Sexta, 25 Juñu 2021 | Login
Embaxador Korea ba Timor-Leste, simbolikamente entrega osan dolar amerikarihun $100, ba SEPS, Joaquim Gusmao dos Reis Martins, iha edifisiu SEPS, Kaikoli Dili. Foto Gab. SEPS. Embaxador Korea ba Timor-Leste, simbolikamente entrega osan dolar amerikarihun $100, ba SEPS, Joaquim Gusmao dos Reis Martins, iha edifisiu SEPS, Kaikoli Dili. Foto Gab. SEPS.

Governu Korea Ofrese Rihun $100 ba Vitima Inundasaun Featured

DILI:Governu Korea do Sul liuhusi UNDP ba Timor-Leste ofrese osan dolar amerika rihun $100 nudar asisténsia umanitária ba vitima inundasaun impaktu husi dezastre naturál ne’ebé akontese iha loron 4 Abril 2021.

Ajuda umanitária ne’e entrega direitamente husi Embaixadór Korea, Kim Jeongho ba Sekretariu Estadu Protesaun Sivil, Joaquim Martins.

Embaixada Korea espera katak, ajudu ne’e bele kontribui atu mantein dignidade umanu vitima desastre naturál no ajuda Timor-Leste bele rekupera lalais.

Durante ne’e Ajénsia Koperasaun Internasional Korea (KOICA) halo mos ajudu umanitária hanesan, fornese bee moos, lensol no hand sanitizer ba refujiadu sira iha Dom Bosco, Comoro.

Aliende ne’e, Embaixada Korea ba Timor-leste servisu hamutuk ho empreza no komunidade Korea iha Dili apoiu mós normaliza dalan, fornese bee moos, no apoiu nesesidade baziku ba refuziadu sira iha sentru akollamentu sira.

Molok apoiu husi Korea, nasaun doadór sira sira seluk mós ofrese ona sira apoiu umanitária, mak hanesan, USA- suporta dolar amerika rihun $100, Xina rihun $100, Australia dolar amerika millaun $5.34, JAPAN apoia manta rihun 5 no Banku ANZ kontribui dolar amerika rihun $50 ba Timor-Leste.

 

Jornalista: Saturnina da Costa

Editor: José Sarito Amaral

Read 393 times Last modified on Kuarta, 14 Abril 2021 17:20
Rate this item
(0 votes)