Kordenador Forsa-Tarefa ba Prevensaun no Mitigasaun Surtu Covid-19, Rui Maria de Araújo informa, husi kazu 58 ohin, iha mane na’in 27, feto na’in 31.
“Sintomatiku na’in 6, asintomátiku ka la hatudu sintomas hamutuk na’in 52,”dehan nia liu husi telekonferensia iha CCD,(26/03)
Nia esplika, evolusaun surtu Covid-19 iha Munisipiu Dili iha kazu foun 54 mak hanesan, Kazu pozitivu 1, hela iha Aldeia Funu Hotu, Suku Kuluhun. Positivu ida ne’e deteta iha atividade vijilansia sentinela.
Kazu Positivu 1, hela iha Aldeia Aimutin,Suku Comoro, Positivu ida ne’e deteta iha HNVG.
Kazu Positivu 1, hela iha Aldeia Betó Oeste, Suku Madohi, kontaktu-besik ho cluster ezistente.
Kazu positivu 1, hela iha Aldeia 05, Suku Fatuhada, kontaktu-besik ho cluster ezistente.
kazu positivu 1, hela iha Aldeia toko Baru 2, Suku Kulu-hun, kontaktu-besik ho cluster ezistente.
Kazu positivu 1, hela iha Aldeia Bidaun Manumata, Suku Bidau Santana, kontaktu-besik ho cluster ezistente.
Kazu pozitivu 1, hela iha Aldeia Fomentu 2, Suku Comoro, kontaktu-besik ho cluster ezistente.
No Kazu positivu 2, hela iha Aldeia 02, Suku Fatuhada, kontaktu-besik ho cluster ezistente.
Kazu positivu 2, hela iha Aldeia Lemkari, Suku Manleuana, kontaktu-besik ho cluster ezistente.
Aliende ne’e kazu positivu 7, hela iha Aldeia 30 de Agosto, Suku Comoro, kontaktu-besik ho cluster ezistente. Kazu positivu7 hela iha Aldeia Maucomate,Suku Becora, kontaktu-besik ho cluster ezistente.
Kazu positivu 11, hela iha Aldeia Metin 1, Suku Bebonuk, kontaktu-besik ho cluster ezistente.
Kazu positivu 6, hela iha Aldeia Rosario Suku Madohi, kontaktu-besik ho cluster ezistente.
Kazu positivu 4, hela iha Aldeia Mura, Suku Santa Cruz, kontaktu-besik ho cluste ezistente.
Kazu positivu 8, deteta iha kuarentena lubuk ida iha Dili laran. Kazu positivu hirak ne’e, 1 profisionál saúde ne’ebé kontaktu ho kazu positivu, nain 7 halo viajen husi Portugal, Italia ho Filipinas.
Nune’e Kazu detetadu ka pozitivu iha Munisipiu Dili husi dia 7 de Marsu 2021, to’o ohin hamutuk 292.
Rui relata, evolusaun Surtu Covid-19 iha Munisipiu Baucau, ohin iha kazu foun 4 husi Aldeia Builai Suku Buibau hamutuk hotu Munisipiu Baucau kazu 24.
Entretantu husi loron 25 to’o ohin loron 26 teste PCR ba ema ne’ebé hetan autorizasaun esepsional sai husi serka sanitaria munisipiu Dili hamutuk ema na’in 149. No teste PCR iha LNS hamutuk 886.
SIJK nafatin husu ba populasaun sira bainhira sai husi uma, labele haluha proteje-an nafatin ho meius hanesan,
(a) Uza mascara;
(b) fase liman beibeik ho sabaun ka dezinfetante ruma;
(c) evita kose liman ba matan, inus ho ibun;
(d) wainhira kumprimenta malu, lapresiza ka’er liman, bensa-liman, rei-malu ka haku’ak malu;
(e) evita halibur malu barak;
(f) hamri’ik ka tur do’ok husi ema seluk, mínimu metru ida ho balun. -ninin no rohan.
Jornalista: Saturnina da Costa
Editor: José Sarito Amaral
