Tuir observasaun Online Independente nota katak aviaun Airnorth mai husi Darwin tun iha Aeroportu Internasional Nicolau Lobato, sesta ohin (26/3), iha oras tuku 13:15 otl.
Aviaun ne’e hatuun kargu Banco Central Timor-Leste (BCTL) nian ho saku sira koru laranja ne’ebé nota iha sakku laran atu hanesan osan tahan dollar amerika.
Enkuantu ekipa saúde rega dezinfekta ba saku sira ne’ebé foin hatun husi aviaun.
Saku sira ne’e hetan akompañamentu husi autoridade BCTL no seguransa maximu husi Polisia Batalliaun Orden Publiku (BOP) hodi sai husi area Aeroportu nian ba too iha edifisiu BCTL, Acait Dili.
Jornalista la fó informasaun serteja ba osan refere tanba PNTL la autoriza hodi tama foka sai aviaun ne’ebé foin tun iha aeroportu laran maibe autoriza de’it foka sai iha liur.
Iha biban ne’e, jornalista sira tenta buka fonte hodi intervista maibé laiha ema ida hakarak atu intervista ho media sira tanba ho razaun laiha autorizasaun ruma husi BCTL.
Entretantu tuir informasaun ne’ebé espailla iha publika katak aviaun Airnorth husi Australia ne’e tula OJE 2021 mai Timor-Leste maibé seidauk identifika númeru montante osan ne’e.
OJE 2021 ne’e aprova iha fulan-Dezembru tinan 2020.
Jornalista: Camilio de Sousa
Editor: Jose Sarito Amaral
