Forsa Unidade Terirorial ne’ebé SIJK husu ne’e, kompostu husi Polisia Nasional Timor-Leste (PNTL) no Falentil Forsa Defeza Timor-Leste (F-FDTL).
Tuir Diretór SIJK, Brigadeiru Jeneral João Miranda “Aluk” hatete, realmente serka sanitaria husi munisipiu rua ne’e remata ona. maibé munisipiu rua ne’e la do’ok husi fronteira nune’e forsa sira ne’e mantein sira nia servisu.
“Tanba realidade kazu ne’e tama iha timor-leste no komesa da’et ona ba iha munisipiu sira seluk, moras ne’e la monu husi lalehan no la mai husi tasi maibé mai husi rai. Nune’e ne’e ita nia atensaun ba fronteira, maske serka sanitária iha munisipiu rua ne’e levanta ona no forsa sira atu nafatin mantein hodi asegura fronteira,”dehan nia iha Palasiu Governu, (26/3).
Entretantu, Brigadeiru ne’e hatutan, kona-ba alimentasaun ne’ebé forsa sira hasoru ne’e konsidera hanesan bainbain ona hodi hasoru obstakulu ida.
“Lojistikamente realmente ita hasoru problema maibé ida ne’e la sai obstakulu ba instituisaun rua ne’e, forsa armadas ho polisia nasional, enkuantu ba povu ida ne’e mesmo ho kondisaun hanesan ne’e aseita atu bele lori medidas ne’e atu asegura populasaun,”nia dehan.
Molok ne’e, iha loron kuarta (24/3), Konsellu Ministru hapara ona serka sanitária iha Postu Administrativu Fatumea, Munisipiu Covalima, tanba livre ona husi kazu Covid-19.
Jornalista: Saturnina da Costa
Editor: Jose Sarito Amaral
