Sexta, 25 Juñu 2021 | Login
Positivu Covid-19. Positivu Covid-19.

Atual Covid-19: Kazu Foun 146, Kazu Ativu 1.506 Featured

DILI:Sala Situasaun Sentru Integradu Jestaun Krize (SIJK) relata ohin loron 08 fulan-maio 2021, ekipa konjunta saúde rezista tan kazu foun na’in 143, kazu rekuperadu iha na’in 5, nune’e kazu ativu iha Izolamentu hamutuk 1,506.

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, husi kazu foun detetadu ohin iha mane na’in 77 no feto 69.

“Kazu foun ne’ebé relata ohin 146 kompostu husi Dili 142 iha Díli no na’in 3 husi munisípiu seluk, sira ne’ebé ho idade tinan 12 mai kraik iha na’in 4, idade entre na’in 12 to’o 59 iha na’in 139 no idade 60 ba leten iha na’in 3,”dehan nia liu husi zoom, sabado ohin (08/05).

Rui esplika, rezumu ba dadus surtu Covid-19 durante semana ida iha konfinamentu domilisiariu iha Dili, hahú husi loron 1 fulan-maio to’o loron 8 fulan-maio tinan 2021, teste PCR hamutuk 7.241 no kazu detetadu iha na’in 835.

Nune’e kazu rekuperadu hahú husi loron 1 to’o loron 8 fulan-maio hamutuk na’in 487.  

Tanba ne’e husi total kazu detetadu foun ohin, proporsaun kazu sintomátiku hamutuk 2%,

Komulativu kazu konfirmadu sura husi loron 21 fulan-marsu tinan 2020 to’o loron 8 fulan-maiu tinan 2021 hamutuk 3,111.

Husi horiseik mai ohin teste PCR ne'ebé Laboratóriu Nasionál Saúde halo hamutuk 1692 kompostu husi, Vijilánsia sentinela 28, Rastreiu ba kontaktu (Contact tracing) 151, Rastreiu Aleatoriu (Random Screening) 895, Viájen sai husi serka sanitária husi Dili 564, Viájen internasionál 10 no Follow up iha kuarentena 44.

Aliende, total testes PCR ne’ebé halo horseik 7 maiu iha munisípiu sira seluk hamutuk 524 kompostu husi, Ermera 72, Maubisse 146, Suai 81, RAEOA 35 no Baucau 190.

 

Asisten Editor: Saturnina da Costa

Read 511 times
Rate this item
(0 votes)