Koordenadór Arte Moris, Iliwatu Danabere hatete, fulan ida resin ona Grupu Arte Moris hadi’a daudaun ona fatin provizóriu ne'ebé PR Horta oferese iha Eliport, Palasiu Prezidente kotuk.

"Fatin mak la sufiente mas maizomenus iha ona ba ami atu utiliza tau sasan. Agora ami koko hela para buka fundu hodi rezolve oinsá atu fahe fatin ne'e ba ami nia membru sira hotu" dehan nia, via telefone, Sabádu (17/9).

Nia dehan, membru Arte Moris barak mak seidauk mai halibur hamutuk tanba fatin ne’eefere sira koko atu jere oinsá akumula membru hotu atu bele halo atividade.

Tuir nia, orientasaun husi Gabinete Prezidente nian katak, fatin ne'ebé sira uza temporariu de'it, bainhira governu hetan ona fatin foun mak fo fali sira muda fali.

"Fatin ne'e di'ak ona ami hein buka tan fundus para hadia fali Galeria uluk barak sira estragu ne'e, DNTT foti mós ami seidauk rekolla hotu" dehan nia.

Tanba ne'e, Grupu Arte Moris seidauk halo atividade maibé sei iha faze rehabilitasaun para aruma fatin tau sasan oinsa para sufisiente ba sira.

"Membru tuan sira mak balun komesa pinta ona tuir ida-idak nia obra," dehan nia.

Entertantu, observasaun diariu ne’e, Grupu Arte Moris okupa iha kuartu rua, sala  ida hodi tau sasan, uza pintura no membru sira balun dada camping hodi toba.