Diretór Jerál Kooperativu Minsiteriu Saúde, Narciso Fernandes hatete, prosesu atu sosa multifunsaun lao ona no MS hein de'it kompaña sira hatama mai.

"Kona-ba Multifunsaun agora dadaun ita hein de'it kontaktu, hanesan horibainhira ha'u esplika tiha ona katak sira sei hatama agora. Ami hein hela par kompaña kontaktu fó data fiksu, no hatama bainhira ne'e mak ami sei hein hela," dehan Narciso ba Jornalista sira, iha nia kna'ar fatin, Kaikoli, Sesta (12/12).

Ba kompaña ne’ebé manan projetu sosa multifunsaun hitu, DJ ne’e rekuza atu fó naran.

"Ba iha kompaña ida ne'e ha'u labele ko'alia iha ne'eba, só aprovizionamentu mak bele haree, maibé iha fulan ida ne'e sei hatama, tarde liu mak iha fulan Janeiru 2026, maibé ami ezije tenke hatama agora iha Dezembru tanba ne'e tuir kontratu i ba iha orsamentu ha'u tenke haree fila fali nia orsamentu," katak nia.

Bainhira multifunsaun hitu ne'e to’o, nia dehan, sei halo distribuisaun ba Munisípiu sira tanba agora daudaun nafatin problema ba karreta ambulansia sira iha fasilidade sira hotu iha territóriu tomak.//

Hakarak lee notisias kompletu, asesu deit link e-Jornal INDEPENDENTE: https://digital.independente.tl. edisaun segunda (15/12/25).