ADTL Husu Instituisaun Media Asume Sensibilizasaun Inkluzasaun Featured

By Ekipa INDEPENDENTE Novembru 17, 2023 1444
Diretor Ezekutivu ADTL, Cesario da Silva. Foto:Dok. Diretor Ezekutivu ADTL, Cesario da Silva. Foto:Dok.

DILI : Assosiasaun Defisiénsia Timo-Leste(ADTL) husu ba instituisaun media sira atu assume mós pozisaun, hodi ajuda sensibiliza asuntu inkluzaun defisiénsia ba sosiedade iha Timor-Leste.

Tuir Diretor Ezekutivu ADTL, Cesario da Silva hatete, atividade ne’ebé ADTL halo mak sensibiliza instuitisaun media sira ba assunto enklusaun defisiénsia hodi hasae kuiñesimentu media sira nian ba asuntu defisiénsia

Diretór informa, dezenvolvimentu asuntu defisiénsia la’o dadauk maske seidauk masimu, ho nune’e prezensa media sira nian importante tebes atu kontinua divulga informasaun sira ne’ebé relevante ba asuntu defisiénsia iha Timor-Leste.

“Atividade ohin loron mak halo sensibilizasaun ba instituisaun média sira, iha intensaun prinsipál mak média sira iha sensibilizasaun ba asuntu inkluzaun defisiénsia. Ami konta tebes ho apoiu média nian ba dezenvolvimentu asuntu defisiénsia iha Timor-Leste, tanba média mak tulun ami nia maluk liuliu lian defisiénsia sira nian to’o ema ne’ebé foti desizaun sira mós bele rona, no mós ami ema ho defisiénsia mós bele fiar an katak ema hotu bele rona,” nia dehan liu husi diskursu iha ambitu formasaun ba jornalista sira, iha salaun Maskarinas, kinta (16/11/23).

Nia haktuir, maski nune’e sira akompaña, sensibilidade ba asuntu defisiénsia mós presiza atu mellora, liuliu utiliza linguajen ne’ebé dignu ba ema ho defisiénsia, nesesidade espesiál sira ne’ebé espesífiku ba ema ho defisiénsia.

“Ita intende mak EhD em jerál, tipu ida-idak iha nesesidade diferente, ne’ebé presiza tebes atu sensibiliza isu ida ne’e no média nia tulun bele sai konsiénsia públiku nian, la’ós ne’e de’it maibé maluk defisiénsia sira mós fiar an atu hola parte iha prosesu dezenvolvimentu nasionál,” nia afirma.

“Hanesan ema hotu hatene dadus 2015 EhD hamutuk 38,118, 3%, iha 2022 foin daudauk númeru hamutuk 23,000 EhD iha territóriu laran, ne’e signifika númeru ida ne’ebé ho signifikante no barreira lubun ida, sei nafatin impede EhD liuliu iha asesu informasaun sira”,tenik nia.

Iha fatin hanesan, Sekretáriu Estadu Komunikasaun Sosiál (SEKOMS), Expedito Dias Ximenes haktuir, formasaun ne’e importante tebes ba Jornalista sira husi imprensa, audio vizuál liuliu ba iha plataforma dijitál ho online sira, tanba dala barak ema ladún fó importánsia ba iha dezenvolvimentu inkluzaun defisiénsia iha TL.

 “Hotu-hotu iha diretu ne’ebé hanesan, ita haree liu fali mandatu konstitusionál liuliu iha artigu 41 hateten katak, Liberdade Informasaun, diretu ba informasaun ne’ebé inkluzivu no diretu atu bele hetan informasaun ho di’ak, signifika, ita hotu-hotu presiza hetan informasaun ne’ebé di’ak ou komfiavel,” nia akresenta.

Enkuantu, partisipa iha formasaun ne’e, jornalista sira mai husi instituisaun media sira hanesan, media INDEPENDENTE, Tatoli, Media Mudansa, GMN, Rttl, Timor-Post no mós Neon Metin.

,

Rate this item
(0 votes)

Independente Digital TV