Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 33, Baucau 60, Ermera 3 no Manufahi 2.

“Total kazu detetadu foun ohin, iha mane na’in 65 no feto 33, nune’e proporsaun kazu sintomatiku hamutuk pursentu 2,”dehan nia iha komunikadu, sesta ohin.

Enkuantu, total komulativu kazu konfirmadu hahú husi loron 21 fulan-Marsu tinan 2020 to’o loron 18 fulan-Juñu tinan 2021 hamutuk 8,602.

Nune’e, husi horseik (17/06) mai ohin, teste PCR ne’ebé Laboratorium Nasional Saúde halo iha Dili hamutuk 769 kompostu husi, Vijilansia sentinela na’in 22, Contact tracing 14, Random Screening 140, Viajem sai husi serka sanitaria Dili 524, Viajen internasional 11 no Follow up iha kuarentena hamutuk 58.

Aliende, total PCR ne’ebé halo horseik (17/06) iha Munisipiu sira seluk, RAEOA no HNGV hamutuk 480, kompostu husi Munispiu Baucau 139, Ermera 8, Maliana 12, Maubisse 131, Suai 69, Vikeke 3, RAEOA 10 no HNGV 108.

Entretantu, iha izolamentu vera Cruz, ohin halo tratamentu ba kazu detetadu hamutuk na’in 26.

tanba ne'e, SIJK apela ba populasaun iha Timor-Leste laran tomak, nafatin regra respeita regras prevensaun no ijiéne individual ne’ebé Governu hatuur ona atu prevene moras Covid-19 da’et ba mai.

Regra sira ne’e hanesan ita hotu hatene ona mak, uza maskara, fase lima bebeik ho sabaun ka uza dezinfetante ruma, evita kose liman ba matan, inus no ibun,  evita halibur malu barak, bainhira kumprimenta malu la presiza kaer liman, bensa liman, rein malu ka hakuak malu no hamrik ka tur dook husi ema seluk minimu metro ida ho balun.

Asistente Editor: Saturnina da Costa