Sexta, 24 Setembru 2021 | Login
Komisaun Interministerial Implementasaun Vasina Covid-19. Foto:Saturnina/Independente. Komisaun Interministerial Implementasaun Vasina Covid-19. Foto:Saturnina/Independente.

Sidadaun ho Idade 18 Ba Leten Iha Dili, Pursentu 45 Simu Ona Vasina Featured

DILI:Portavoz Komisaun Interministerial Implementasaun Vasina Covid-19, Dr. Danina Coelho informa, sidadaun ho Idade 18 ba Leten iha Dili, pursentu 45 simu ona vasina, hahú iha loron 7 fulan-Abril to’o loron 17 fulan-Juñu tinan ne’e.

Ho nune’e, total sidadaun ne’ebé iha Dili simu ona vasina AstraZeneca doze dahuluk hamutuk 95,363.

Husi numeru ne’e, kompostu husi idade 18 to’o 59 ne’ebé hetan moras kroniku hamutuk 11,132, idade 60 ba leten iha na’in 3,603 no idade 18-59 ne’ebé laiha moras hamutuk 80,628.

Aleinde, ema ne’ebé simu ona vasina Sinovac faze dahuluk hahú iha loron 14-17 fulan-Juñu hamutuk 5,104.

Portavoz relata, dadauk ne’e, kampaña vasinasaun nafatin hala’o ba ema hotu ho idade 18 ba leten ne’ebé iha Dili.

“Tanba ne’e, ami husu ba sidadaun adultu sira ne’ebé seidauk simu vasina, atu hakbesik an ba sentru saúde hodi simu vasina, nune’e bele reduz transmisaun Covid-19,” dehan nia iha konferensia imprensa, iha salaun sentru informasaun vasinasaun Covid-19, MSSI-Kaikoli, Dili, sesta ohin (18/06).

Entretantu, ba liña frente sira iha munisipiu Dili ne’ebé simu ona vasina doze daruak ou kompletu ona hamutuk 8,643.

Enkuantu, to’o ohin loron seidauk rezistu efeitus adversus foun ne’ebé grave hafoin simu ona vasina.

 

Asistente Editor: Saturnina da Costa

Read 222 times
Rate this item
(0 votes)