Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prezidente Institutu Nasional Seguransa Sosial (INSS), Longuinhos Armando. Foto: Saturnina/Independente. Prezidente Institutu Nasional Seguransa Sosial (INSS), Longuinhos Armando. Foto: Saturnina/Independente.

Semana Oin, INSS Halo Pagamentu Ba Idozus-Invalides Hamutuk 94.717 Featured

DILI:Prezidente Institutu Nasional Seguransa Sosial (INSS), Longuinhos Armando informa, pagamentu ba idozus no invalides sei hala’o iha semana oin, loron 23 fulan-Juñu tinan ne’e.

Tuir lolos, pagamentu ne’e hala’o ona iha semana hirak liu ba, maibé ho failansu tekniku husi Banku Nasional Komersiu Timor-Leste (BNCTL-Sigla Portugués), nune’e adia fali.

Tanba ne’e, INSS ho BNCTL hala ona kordenasaun hodi realiza pagamentu iha semana oin.

“Ita nia planu atu halo pagamentu ba idozus no ivalides sira tuir lolos halo ona, maibé tanba failansu iha tekniku entre INSS ho BNCTL, ho ida ne’e ami tur hamutuk ona katak ita sei halo pagamentu iha loron 23 fulan-Juñu tinan ne’e,”dehan nia iha knar fatin INSS, Kaikoli, Dili, kinta horseik (17/06).

Nia akresenta, total benifisiariu iha teritoriu laran tomak ne’ebé atu simu subsidiu hamutuk 94.717, kompostu husi invalides 8,200 no idozus 86,517. Ho total orsamentu hamutuk dolar amerikanu $17,34,180.

Nia hatutan, maski Governu hakotu ona konfinamentu obrigatoriu iha Kapital Dili, maibé INSS nafatin kopera ho Ministeriu Saúde (MS) liu husi Sentru Integradu Jestaun Krize (SIJK), tau matan ba idozus no invalides ne’ebé simu subsidiu atu nafatin tuir regras ba prevensaun moras surtu Covid-19.

Entretantu, iha tinan kotuk 2020, INSS ho BNCTL halo pagamentu ba Idozus no invalides hamutuk 92,192 ho orsamentu dolar amerikanu $16,836,990.

 

Asistente Editor: Saturnina da Costa

Read 573 times Last modified on Sexta, 18 Juñu 2021 19:25
Rate this item
(0 votes)

About Author