12 Fevereiru, Kazu Foun Covid-19 iha Na’in 155 ho Rekuperadu 31

Maiu 03, 2024

Nasional

12 Fevereiru, Kazu Foun Covid-19 iha Na’in 155 ho Rekuperadu 31 ^Featured

By Saturnina da Costa Fevereiru 12, 2022 271

Rezultadu teste PCR hatudu, pozitivu Covid-19. Foto:Dok/INDEPENDENTE.

DILI: Koordenadora Jeral Surtu Covid-19 iha Timor-Leste, Odete da Silva Viegas, hatete, Ministeriu Saúde, ohin (12/02), rejista kazu pozitivu foun Covid-19 iha na’in 155 no kazu rekuperadu iha na’in 31.

“Kazu Foun neebé relata ohin iha na’in 155 (taxa pozitividade 11,8), rekuperadu iha na’in 31 no kazu ativu hamutuk 1.416,”dehan nia iha komunikadu neebé Online INDEPENDENTE asesu, sabado nee.

Ho nunee, total komulativu kazu konfirmadu sura husi loron 21 fulan-Marsu tinan 2020 too 12 Fevereiru 2022 hamutuk 21.556 no óbitu iha na’in 123.

Iha oras 24 nia laran, total teste PCR neebé Laboratoriu Nasional Saúde halo iha Dili hamutuk 444, kompostu husi Vijilansia sentinela na’in 12, rastreiu ba kontaktu 315 no restreiu aleatoriu na’in 117.

Aleinde, teste PCR neebé halo iha munisipiu sira seluk, RAEOA no HNGV hamutuk na’in 159.

Haree ba kazu neebé kada loron aumenta, Ministeriu Saúde husu ba populasaun sira atu nafatin kontinua mantein medidas prevensaun sira, relasiona ho variante foun omicron neebé agora dadaun rejista ona iha nasaun viziñu sira.

Rate this item

(0 votes)