Items filtered by date: Outubru 2018

DILI: Tuir dadus husi Unidade Polisia Tranzitu Munisipiu Dili, iha fulan tolu nia laran mosu asidente trafiku 241 iha Kapital Dili.

DILI: Organizasaun sosiedade sivíl ezije ba Governu Japaun atu rekoñese vítima timoroan ne’ebé uluk tropa Japaun sira halo sai hanesan Jugun Ianfu (Atan ba seksuál) iha funu mundiál daruak nian, iha Timor Leste.

DILI: Bankada Parlamentár liu husi Partidu FRETILIN kondena Prezidente Parlamentu Nasionál PN mak difikulta hodi harii Komisaun Inkéritu Parlamentár (KIP) tanba liu fulan ida komisaun ne’e seidauk forma.

DILI: Kongresu Nasionál Câmara Comércio Industria Timor-Leste (CCI-TL) remata ona, iha Sesta (12/10). Maibé, iha prosesu eleisaun ba lideransa foun ho períodu 2018-2022 hamosu tensaun makaas.

NIA ibun nakdedar. Nia hateke sa’e ba bandeira nasionál ne’ebé sa’e aas ba daudauk. Nia matan la konsege tahan bee ne’ebé obriga atu sulin. Nia tanis ho orgullu bainhira ino nasionál Patria Patria halo nakdedar Estadiu Prinsipal Gelora Bung Karno, Jakarta, Indonezia.

DILI: Tribunal Distrital Dili (TDD) la realija julgamentu ba arguidu na’in lima (5) ne’ebé deskonfia komete iha kazu omesidu agravadu iha Hera hasoru Carlos da Costa.

DILI: Komando Jeral Polisia Nasional Timor Leste (PNTL) to’o ohin seidauk simu informasaun kona-ba membru Polisia Eskuadra Laga baku Xefe Suku Nunira, Nilton Gama.

DILI: Ekipa Forensik Polisia Nasionál Timor Leste lori ona sampel raan husi familia matebian Vera Carvalho Martins ba Australia hodi halo teste DNA.

Informasaun ne’e hato’o husi Vera nia tiun, Francisco Aleixo Cobra via telefone ba jornalista jornál INDEPENDENTE, Sesta (12/10).

Tuir informasaun husi Francisco, ekipa Forensik bolu Vera nia inan-aman hodi foti sampel iha 2 Outubru foin lalais.

“Vera nia inan-aman hasoru malu ona ho PNSIK iha loron 2 Outubru 2018, rezultadu hasoru malu ne’e sira ofrese ona ran, ain kukun no fuk-lahan ba Forensik,” informa Francisco.

Tuir informasaun ne’ebé Francisco hetan, sampel ne’e ekipa Forensik lori ona ba Australia iha loron 4 Outubru.

“Sampel raan, fuk-lahan no ain-kukun ne’e Forensik haruka ona ba Australia loron rua depois foti sampel,” dehan nia.

Hafoin foti sampel ne’e, Francisco dehan, ekipa Forensik hatete ba familia atu hein de’it kontaktu bainhira rezultadu teste DNA sai ona.

“Sira dehan hein de’it depois mak sira kontaktu fali kuandu rezultadu iha ona sira-nia liman. Sira husu familia Vera kontinua pasensia hodi hein,” katak nia.

Familia, nia dehan, sente kaman ona tanba buat hotu ne’ebé mak tribunal ezije bele iha ona dalan. Durante ne’e, familia la hakmatek tan hanoin hela Vera nia mate atu saugati de’it.

“Ami sente kazu Vera nian sei hatudu rezultadu pozitivu. Ami hein nafatin no ami fiar katak rezultadu ne’e la kleur tan (sei sai),” katak nia.

Entretantu, ofisial PNSIK ida hatete sira foti duni ona sampel husi Vera nia familia, maibé informasaun detalu foin bele fó sai hafoin iha ona rezultadu.

“Kuandu rezultadu iha ona bele konfirma direita ho komandante PNSIK,” dehan fonte ne’e.

DILI: Kazu ne’ebé akontese iha Laga, Munisipiu Baukau sai komplikadu liu tan. Polisia Nasionál Timor Leste duun autoridade lokal Nunira lakohi koopera hodi rezolve problema ne’ebé iha, enkuantu Xefe Suku Nunira Nilton Gama rekuza no duun polisia halo agresaun hasoru nia no nia komunidade na’in 7.

NIA matan nabilan leno sai esperansa ne'ebé nunka hotu. Espíritu atu kontinua moris hafutar nia oin. Laiha sentimentu ta'uk, nein uitoan, ba virus ne'ebé domina ona nia isin. Nia, ema ho HIV/SIDA.