Xefe Bairo Francisco Ximenes hatete, nia komunidade sira sempre kontribui hodi selu bee tuir ponteneiru ne’ebé mak sira uza maibé la hatene razaun saida mak bee SAS labele fó mai.

“Kuaze fulan ida ona ami iha bairo ne’e konsumu deit mak udan bee tanba atu ba lalain lerek bee iha nee’ebe los?,”dehan  Francisco ba INDEPENDENTE iha Aldeia Moris Foun Komoro,Domingo (10/03).

 Nia  dehan,se kaundu iha failansu ruma tenki mai informa atu ema hatene laos halo fali hanesan ne’e,ida ne’e impede ema nia atividade bee mak sai nesesidade baziku iha bee mak buat hotu bele lao.

Iha fatin hanesan Komunidade  Jacob Leita hatete,ulun nia mos uza bee pam tan deit bee mai la los entaun nia deside kee bee rasik,maibe nia hare komunidade sira lao ba mai ba buka bee entaun nia faselita sira hodi mai kuru iha ne’e deit maske nia uza pulsa ahi maibe nia la husu ba sira atu selu.

“ha’u halo ida ne’e hanesan kontribuisaun ida,tanba bee ne’e importante ita ema ha’u iha tenki fahe mos ba ema ne’ebe hamrok hela ba bee,”dehan Jacob.

Tuir nia katak,lolos kestaun sira hanesan ne’e parte kompetente tenki resolve lalais atu povu labele sai vitima hanesan ne’e,kuitadu ema balun oan nuark presiza bee se halo hanesan ne’e viola ona sira nia direitu atu asesu ba bee mos.

Entertantu Komunidade Alcino Guterres hatete,tinan lima ona nia ba servisu iha Korea no fila fali mai ona mos bairu ne’e sei halerik nafatin ba bee mos la hatene bairo ne’e nia autoridade lokal iha mak ne ka la iha karik ne’e mak resolve problema sira hanesan ne’e.

“governu mak troka hela deit maibe problema kikoan sira hanesan ne’e la resolve sa tan problema bot ne’e atu sai oinsa los karik,”tenik nia.

Nia dehan,iha rai sidade mak bee la iha ne’e ema atu ba bukalerek iha ne’ebe agora ema hotu uza kontador prepagu se ema ruma nia beee privadu naran ba kuru deit ka ema fo mos batas deit maibe dala ruma deit.

Nune’e mos komunidae Jacob Leite ne’ebe iha loron hira ne’e nia  mak faselita komunidade sira iha bairo ne’e,tanba hanesan ema humana nia mos iha sentiment bainhira hare ninia maluk lao buka bee tun sae.

“ha’u senti triste bainhira sira halai ba mai ba buka bee atu ba lerek ne’ebe entaun ha’u deside hodi faselita sira kuru iha ne’e deit maske uza kontador prepagu,”tenik nia.

Tuir nia katak,lolos kestaun sira hanesan ne’e parte autoridade lokal sira nia papel  tenki mai hare hodi hato’o ba iha ministeriu kompetente atu bele resolve lalais.Tanba buat ida be’e ne’e liu buat hotu iha bee mak atividade ema nian bele lao.