×

Atenção

JUser: :_load: Não foi possível carregar usuário com ID: 430

JUser: :_load: Não foi possível carregar usuário com ID: 425

Komando PNTL Reforsa Regulamentu

By Fevereiru 06, 2017 1091
Membru PNTL Membru PNTL

DILI: Komando Polisia Nasionál Timor-Leste (PNTL) reforsa sira-nia regulamentu hodi regula membru PNTL sira ne’ebé nakar.

Xefe Gabinenete Asesor Juridiko PNTL, Inspetor Virgílio Correia dehan, maske regulamentu dispilinar eziste hahú iha 2004 maibé, regulamentu ne’e rasik konsidera seidauk forte.

“Ita hakarak regulamentu ida ne’ebé rigoroju hodi fó pena ida que forte ba ita-nia membru sira ne’ebé indikasaun mal atetude iha terenu,” dehanVirgílio ba Jornalista sira iha Sentru Formasaun PNTL Komoro-Dili, Sesta (3/2).

Nia dehan, durante ne’e membru barak mak envolve kazu krime maibé regulamentu ne’e la forsa, tan ne’e Komando haforsa regulamentu ne’e.

Nia dehan, Komando PNTL entrega ba Komando Diresaun Supervizaun hodi foti foti desizaun ida ne’ebé forte no edukativu ba membru PNTL sira.

Iha regulamentu, nia dehan, pena ne’ebé mak Komando fó ne’e minimu mak suspensaun durante loron 30, iha mós pena eskrita, pena multa no pena suspensaun, ikus liu mak pena obrigatoriu reforma no hasai husi instituisaun.

“Antes ne’e ita fó uluk kompetensia ba komando munispiu sira hodi foti desijaun ba ita-nia membru sira ne’ebé envolve krime iha munispiu,” katak nia.

Nia dehan, bainhira membru ida envolve iha kazu krime liu loron 60, Komandu Munisipiu sei entrega kazu ne’e ba Komandu Jeral hodi foti desizaun. 

Rate this item
(0 votes)

Independente Digital TV