Iha formasaun primeira  etapa hamutuk ema na'in sanulu resin (16), maibé sira na’in sanulu resin tolu (13) mak simu ona sertifikadu no na’in tolu (3) sei tuir fali iha segunda etapa.

“Objetivu husi formasaun refere atu fahe esperiénsia ba juventude kona ba rezolusaun konflitu. Tanba ne’e juventude tenke hatene dame para bele aplika iha fatin no eskola sira” esplika diretúr NGO Knuk Ba Dame Benijato Ribeiro ba INDEPENDENTE, iha Usindo Dili, horisehik.

Liu tan ida ne’e formasaun nee mos atu aumenta kapasidade no koñesimentu, liuliu kona ba sira nia estudu ne’ebé iha nivel edukasaun formál sira hodi reforsa tan sira nia skill.

Kapasitasaun refere hala’o durante semana ida, tanba siénsia hirak ne’e juventude sira aprende tiha ona iha edukasaun formál.

Formadu sira ne’ebé tuir formasaun iha NGO ne’e maioria estudante, tanba ne’e sira hakarak atu aumenta koñesimentu hodi prepara an iha kompetisaun merkadu iha futuru.

Kona ba materiál ne’ebé formadór sira prepara iha primeira faze  temátiku rua (2) hanesan, rezolusaun konflitu no preparasaun lideransa iha futuru.

Rezolusaun ho nia tópiku lima (5) mak hanesan, mediasaun, diálogu, negosiasaun, kultura no dame, oinsá mak bele hamriik iha oin hodi ko’alia ba públiku para audiénsia  bele kompriende.