“Ita nia kompaña sira tenke iha hanoin ida atu partisipa ba dezenvolvimentu hanesan parseiru ba Governu atu halo dezenvolvimentu, laos halo projetu la ho kualidade atu hetan deit lukru, ne’e laiha  domin ba nasaun ida ne’e,”dehan Diretor ONG HIR Ozorio Bianco iha PN,horisehik.

 Nia dehan, Kompañia kontrator tenke halo estudu viabilidade,teste ba rai no material atu bele garantia obra estadu  nia kualidade.

 Nia dehan , Governu no ADN tenke kontrola regularmente atu kompania labele halo projetu tuir nia hakarak deit.

“ Se ita fò fiar ba kompania mesak konsekuensia projetu ne’e kualidade laiha ,”dehan nia.

Iha fatin ketak, Deputada Bankada FRETILIN  Angelica da Costa hateten, kompania halo projetu laiha kualidade tenke kansela kontratu tanba la hatudu domin ba rai no povu TL.

 “Hau husu ba emprezariu lokal sira halo projetu tenke hatudu patriotism no  nasionalismu, lalika buka lukru ida que boot ,” dehan nia.

Entretantu, Deputadu  Bankada CNRT, Antonio Serpa dehan, Hahú tinan 2017 governu tenke halo kontrolu makas ba obra estadu atu kompania labele anbandona no halo la kualidade.