Kirsty: Susu Been Inan Mak Fundasaun ba Moris Featured

By Pedro Alves Agostu 17, 2018 9147

LIKISA: Fundadór Fundasaun Alola, Kirsty Sword hateten susu been inan mak fundasaun moris no rikusoin família nia atu hadi’ak labarik sira nia nutrisaun hodi hadook aan husi risku moras sira.

 Fundasaun Alola komemora loron nasionál susu been inan atu fó hanoin ba ema hotu  fó Susu been inan nian ba oan.

Realiza komemorasaun ne’e tanba hetan fundus husi Kompañia Internasionál ConocoPhilips ho osan rihun $700 Dolar Amerikanu.

Objetivu husi komemorasaun ne’e  atu bolu atensaun ba komunidade no públiku atu tau importánsia fó susu been ba oan sira, hanesan dalan ida atu bele prevene moras oi-oin. Tanba susu be’e mak hanesan

Kirsty Gusmáo,  hateten  susu been hanesan eskluzivu di’ak ba oan sira ne’ebé sai  hanesan rikusoin família nian hodi halo protesaun másimu  ba oan sira.

Nia sente kontente tanba komunidade iha aldeia Lauhata fó importasia susu been eskluzivu atu fó susu been kinur ba oan sira hanesan fundasaun nutrisaun importante ba bebé nia moris.

‘’Ha’u  rasik fó susu been eskluzivu ba oan sira. Ita haree Timor Leste nia porsentu fó susu been ba oan aas liu kompara ho nasaun seluk,’’ dehan nia.

Tuir dadus porsentu inan fó susu been ba oan sa’e ba 60% kompara ho Austrália dook loos tanba porsentu 14.

Nia dehan, Timor Leste fó ezemplu di’ak ba nasaun sira  iha mundu, kona ba susu been hanesan imunizasaun importante ba labarik ki’ik oan hodi halo protesaun másimu liuliu sai fundasaun moris.

Kristy Gusmão enkoraja ba feto sira atu labele fó biberón ho bee ba bebé tanba bele introdús  bateria ho moras oi-oin.

Nia mós kontinua husu ba inan sira atu prevene aan husi kankru no iha sintoma ona bele ba konsulta lalais.

Nia agradese tebes ba saúde sira iha Austrália ne’ebé  loke grupu ida ne’e naran HALIKO ho objetivu atu  halo edukasaun  ba maluk sira kona ba sintoma saida  mak afeta ba kankru susun.

Nia dehan, Maski Timor Leste seidauk iha ekipamentu kompletu maibé inan sira kuandu deteta sedu doutór espesialista sira iha Hospital Nasionál Guido Valodares (HNGV)  bele rekupera.

Iha fatin hanesan, Reprezentante  ConocoPhilips, Renalada Pires, hateten nu’udar  operadór Bayu undang ne’ebé sai ponte  boot ba rendimentu nasaun Timor-Leste orgullu bele tau matan ba rikusoin Timor Nasaun ne’e Nian,maibé rikusoin importante liu mak ema sira nune’e presiza kuidadu saúde.

“Ami fiar katak rikusoin ne’ebé importante liu mak Timor Leste nian oan sira no ami fiar katak bebé sira mak sei sai futuru nasaun ne’e nian,” dehan nia.

Tanba ne’e, nia dehan, ConocoPhilips nia programa sosiál balun haree kona ba rekursu umanu hanesan bolsa estudu ba Amérika, bolsa estudu iha sejuita, Kasait Likisá no formasaun iha Tibar.

Entretantu, Prezidente Autoridade Munisípiu Likisá Domingos da Conceição dos Santos apela ba inan aman sira  atu kuidadu oan sira ne’ebé mak  hanesan jerasaun foun no sai hanesan kontinuador ba bainhira sira forte mak nasaun  sai di’ak liután.

Tanba ne’e, nia husu presiza bebé sira tenke iha  nutrisaun  ne’ebé saudevel bele substitui ba jerasaun futuru.

Alola mós fahe prémiu ba inan no bebé na'in hitu ne’ebé ho nutrisaun di’ak.

Rate this item
(0 votes)

Independente Digital TV