Alende, ida ne’e akontese mós asidente karreta Angguna ida baku fila iha área Ilibole-Munisipiu Babonaru iha Tersa (03/01).Asidente ne’e la rezulta ema mate maibé kanek kaman.

Tuir dadus ne’ebé Komandu Polisia Nasional Timor Leste (PNTL) Munispio Dili rejistu insidetenti asidente 4 akontese tanba joven balun hemu tua lori motórizada hodi rezulta motór soke malu.

Insideti ne’e sira ne’e akontese iha Bairo Pite, aréa delta 3 no Fatuhada ikus liu Bebonuk maibé la rezulta sidadaun sai vitima, kauza tanba hemu tua lanu, alende ne’e balun halo agregasaun hasoru membru polisia. 

Segundo Komandu PNTL Munisipio Dili, Supertenenidenti Asistente Polisia Euclides Belo hatete,  durante sigurasa ne’ebé PNTL hala’o iha asaun provokasaun entre joven sira iha kada Bairo ne’ebé akontese iha Kapital Dili. 

“Ita halo kaptura sidadaun sira ne’ebé asaltu malu iha Bairo laran, depois de kapturasaun ita halo prevensaun ba sira,” dehan Euclides ba jornalista iha Komandu PNTL Munisipio Dili, Tersa (03/01)

Nia dehan, insidenti hirak ne’e akontese iha Delta 3 ne’ebé joven sira ataka malu, iha Bairo Pite sidadaun balun ataka loza Xineza tanba hemu tua lanu hodi husu servisu. 

Tuir Euclides, operasaun ne’ebé hala’o iha tinan foun hodi asegura sigurasa ne’ebé hetan apoiu husi UEP, Forsa Rezerva. 

Segundo Komandu PNTL, informa, alende ne’e, iha aréa Fatuhada nian, joven ida halo asaun hasoru membru PNTL ho kondisaun lanu, maibé oras ne’e dadaun iha ona sela prenvetiva hodi halo prosesu ba kazu ne’e.

“Suspeitu ne’ebé ita kaptura, hakarak ka lakohi ita sei apresenta ba tribunál tanba hahalok ne’e konsidera krime.” tenik Euclides.

Problema seluk akontese mós iha parte Bebonuk nian ne’ebé ataka malu husi Joven sira, maibé PNTL konsegue identifika suspeitu nan 5, suspeitu sira komete krime polisia kaptura de’it. 

Komandu PNTL kontinua halo orieta hasoru membru sira hodi hasa’e volume operasaun iha kapital Dili laran hodi asegura siguransa.