Segunda, 06 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Xanana ho Taur Matan Ruak Xanana ho Taur Matan Ruak

Xanana-Taur Hirus Malu Dezde iha Ai-Laran Featured

DILI: Situasaun entre lider rezisténsia na’in rua Kay Rala Xanana Gusmão no Taur Matan Ruak haree malu ‘matan la moos’ la’ós ona novidade foun. Problema hanesan sempre akontese durante tempu rezisténsia nia laran.

Xefe Estadu Majór Jenerál FALINTIL Forsa Defeza Timor Leste (F-FDTL), Majór Jenerál Lere Anan Timur hateten, eis gerrilleiru Xanana Gusmão ho eis Prezidente Repúblika Taur Matan Ruak hirus-malu dezde iha ai-laran.

Nia konta, Xanana ho Taur Matan Ruak la’ós agora maka haree malu oin la moos, maibé dezde iha ai-laran kedas gerrilleiru na'in rua ne’e hirus to’o ohin loron.

Eis gerrilleiru ne’e dehan, lider na’in rua ne’e hanesan feen ho la'en, ne’ebé dala ruma iha naksalak uitoan sira ‘see kotuk ba malu’, maibé sei fó laran ba malu nafatin.

Jenerál F-FDTL Fitun Rua ne’e dehan, bainhira iha ai-laran maka eis gerrilleiru na'in rua ne’e laran la moos ba malu karik ohin loron entre Xanana ho Taur bele mate ona.

“Agora imi rona dehan Xanana ho Taur haree malu la di'ak, ne’e la’ós foin, maibé sira ne’e lagu lama ona”, tenik Lere bainhira fahe esperiénsia servisu FALINTIL nian ba PNTL ho F-FDTL iha Kuartél Jenerál F-FDTL Fatuhada-Dili, horisehik.

Funu na'in ne'e dehan, keta hakfodak ba asaun sira rua nian, dezde ai-laran kedas eis gerrilleiru na’in rua ne’e hirus malu no di'ak malu fali. Tanba ne’e, lalika preokupa ho atitude lideransa na’in rua ne’e nian.

Tuir nia, ne’e bele mós sai estratéjia ida hodi foti Taur Matan Ruak ba kargu primeiru ministru. Tanba, esperiénsia hanorin ona ema hotu katak antes ne’e, Xanana apoiu Taur ba Prezidente Repúblika.

Nia hateten, diferensa ideia ne’e normál, maibé bazeia ba kompromisu iha ai-laran eis gerrilleiru nunka mais rai ódiu ba malu, vinga-malu no hirus-malu iha diferensa ideia ida.

Iha biban ida ne’e, Lere hateten, realidade iha Timor oportunista, maupagadór, tabeledór mós aproveita hodi buka naran sobu nasaun. 

Read 5307 times Last modified on Kinta, 01 Juñu 2017 10:43
Rate this item
(5 votes)

About Author

MidAd1