Sexta, 18 Outubru 2019 | Login
Kuadrus Partido Demokratico halao konsolidasaun ba preparasaun eleisaun jeral 2017 Kuadrus Partido Demokratico halao konsolidasaun ba preparasaun eleisaun jeral 2017 Foto PD

PD Kandidata António Ba Prezidente Repúblika

DILI: Liu husi Konferénsia Nasionál, Partidu Demokrátiku (PD) deside ona hodi hili António da Conceição ba kandidatu Prezidente Repúblika.

Liu husi ninia diskursu António dehan, nu'udar jerasaun foun ne'ebé partisipa iha luta libertasaun hakarak kandidata-aan ba kargu Prezidente Repúblika hodi hatutan eroi sira ninia mehi.

Nia dehan, jerasaun foun sira labele hein bola, maibé tenke ba hasoru bola. Signifika katak, labele hein to'o jerasaun sira entrega podér lideransa nian maibé tenke hahú kompete ona.

"Ita jerasaun foun labele hein tranzisaun lideransa mai husi jerasaun tuan sira, maibé tenke prepara-aan no promove-aan," dehan nia, iha Konferénsia Nasionál PN nian, iha Malinamuk-Komoro, horisehik.

António dehan, ninia kandidatura ne'e mós atu kontinua Saudozu eis-Prezidente Partidu Demokrátiku (PD), Fernando Lasama de Araújo ninia mehi.

Kona-ba programa servisu nian, atuál Ministru Edukasaun ne'e seidauk fó sai ba públiku, tanba sei hein to'o rejista ofisialmente iha Tribunál Rekursu (TR). 

Read 1344 times
Rate this item
(1 Vote)
MidAd1