PD Ukun Sei Fó Subsidiu ba Media TL Featured

By Maiu 03, 2018 1030
Presidente PD Assanami Presidente PD Assanami

BOBONARO: Bainhira povu fó fiar ba Pártidu Demokrátiku (PD) atu ukun tinan lima, sei sei fó subsidiu ba media nasionál sira iha Timor-Leste.

Prezidente PD, Mariano Assanami Sabino hatete, iha eleisaun Antesipada (EA) ne'e, PD manan hodi ukun, sei fó subsidiu ba instituisaun media nasional sira, atu nune'e bele konstrui kondisaun nune’e bele sai professional liu tan.

"Iha PD nia ukun sei fo subsidiu ba media sira, atu nune'e bele habo'ot sira  instituisaun medi, wainhira media ne'e sei ki'ik no haruka nia jornalista sira ba tuir formosan oin-oin atu nune'e sira bele professional liu tan," hatete Prezidente Pártidu Demokrátiku (PD), Mariano Assanami Sabino, iha nia kompromisiu politiku iha Bobonaro. 

Assanami dehan, subsidiu ba media sira ne'e, la’os atu hamihis sentidu kritiku. Maibe ne’e atu haforsa instituisaun media atu bele haruka sira nia jornalista sira ba halo formasun iha hodi nune’e bele hasa’e liu tan konesementu ba mundu jornalismu nian.

“Hau husu ba media nasional sira iha loron liberdade imprensa ida ne’e husu atu kapasita aan nafatin hodi sai media ida ne’ebe professional imparsial no neutralidade,” dehan Assanami.

Rate this item
(0 votes)

Independente Digital TV