Kuarta, 30 Setembru 2020 | Login
Estudantes timoroan iha Wuhan Estudantes timoroan iha Wuhan

Ohin, Bolseiru Husi Nova Zelándia To’o Timor Featured

DILI: Bolseiru timoroan ne’ebé halo estudu iha Sidade Wuhan, ne’ebé antes ne’e transporta ba Nova Zelándia tanba Corona Virus (Covid 19), ohin, Sesta (21/2), sei to’o iha Timor.

“Ita nia estudante sira sae ona aviaun, iha ona aviaun laran no iha dalan mai Bali, hein katak aban (ohin, Sesta (21/2)), sira sei to’o Timor,” dehan Sekretáriu Jerál Ministériu Negósiu Estranjeiru no Kooperasaun (MNEK), Jorge Trindade Neves de Camões, iha Palasiu Prezidensiál, Bairru-Pité, horisehik.

Nia dehan, estudante sira ne’e konfirmandu hotu ona no hetan sertifikadu médiku husi Nova Zelándia katak sira livre husi moras Corona Virus, ne’e duni sira bele tama mai Timor.

“Sira akontonadu semana rua iha Nova Zelándia no hasai ona sira. Agora daudauk sira iha dalan mai, tanba ne’e labele ta'uk. Sira hotu livre husi Corona Virus,” hateten nia.

Entretantu, estudante sira ne'e sei akompaña husi membru governu balun ne’ebé antes ne’e halo viajen ba Nova Zelándia. Antes ne'e, membru governu balun dezloka ba Nova Zelándia, iha Sábadu (15/2), hodi fó agradesimentu ba governu Nova Zelándia ne'ebé fó ona apoiu evakua estudante timoroan sira sai husi Wuhan tanba Corona Virus.

Read 317 times
Rate this item
(0 votes)