Sábadu, 16 Janeiru 2021 | Login
Estudante timor-oan sira ne'ebe tula husi fronteira mai Hotel Katuas Dili. Foto Cipriano Colo Estudante timor-oan sira ne'ebe tula husi fronteira mai Hotel Katuas Dili. Foto Cipriano Colo

Na’in 5 Positivu COVID-19 Viazen Hamutuk iha Bis Bintang Featured

DILI: Portavoz Sentru Integradu Jestaun Krize (SIJK) Rui Maria de Araújo klarifika katak timor-oan na’in lima (5) ne’ebé konfirmadu positivu COVID-19 halo viazen hamutuk ho karreta ida (bis Maliana) husi Fronteira,Batugade, iha loron 1 fulan-Abril 2020.

Bis Maliana ne’e aluga husi Ekipa Vijilansia Epidemilogika Ministériu Saúde atu tula espesifakemente timor-oan sira ne’ebé husi fronteira mai fatin kuerentina.

Portavoz ne’e salienta, bis Maliana ne’e, la tula tan pasajeiru sira seluk. Bis ne’e mai ho motorista ida, ho nia ajudante na’in rua.

Pasajeiru iha bis laran hamutuk 18, la inklui sofer ho ajudante na’in rua, hamutuk na’in 21.

Bis ne’e nia naran Bintang ho nia xapa matrikula 37811 TLS. Motorista naran Deolindo Pereira, no agora sira iha kuerentina Motain.

Ekipa laboratoriu hasai hela sira nia amostra hodi hatene nia rejultadu.

“Ida ne signifika saida kazu konfirmadu hahú husi dia 10 Abril mai too agora ne’e kazu grupu ida deit ne’ebé nia huun analiza……posivelmente husi ida depois hadaet ba sira seluk, tanba ne’e grupu ne’e ita kontrola hela, signifika potensialidade atu hadaet ba liur kiik teb-tebes,”dehan eis Primeiru Ministru ne’e, tersa horsehik, iha sala situasaun SIJK, CCD Dili.

Tanba ne’e, tuir nia katak situasaun agora kontroladu. Nia husu publiku labele paniku.

Nia mós rejeita informasaun ne’ebé espailla katak bis ne’e hafoin hatuun estudante timor-oan husi fronteira iha Hotel Katuas, kontinua tula pasajeiru ba Maliana.

Nia reafirma katak informasaun ne’e lalos. Informasaun ne’ebé loos maka bis ne’e ho nia sofer hamutuk ho nia ajudante na’in rua fila tama kuerentina iha Motain.

“Ha’u konfirma duni ho motorista ho ekipa sira nebe iha fronteira, bainhira sira husi fronteira no ba bali fali fronteira mos polisia mak akompanha. Agora dadaun bis ne’e ho motorista ho nia ajudante na’in rua iha kuerentina iha Motain,”dehan Rui.

Read 1916 times
Rate this item
(0 votes)

About Author