Diretora Jerál Prestasaun Saúde, Dra. Odete Viegas da Silva hatete, konteúdu no informasaun ne’ebé atualiza hela de’it ba Chatbot ne’e fornese husi Organizasaun Mundial Saúde (OMS) no husi Ministériu Saúde (MS) ba notisia husi rai laran kona-ba medidas ba prevensaun, sintomas no teste.

“Ita nia komunidade bele aprende kona ba oinsa atu proteje an no proteje ita nia familia no komunidade liuhusi liña Chatbot ne’e,”dehan nia iha CCD, ohin.

Nia informa katak, komunidade mós bele hetan dadus ikus liu kona ba númeru teste ne’ebé halo ona no kazu ikus liu iha Timor-Leste.

Liña mensajen ne’e Chatbot ne’e sei responde ba pergunta sira ne’ebé komunidade iha kona ba prevensaun no boatus relasiona ho COVID-19.

Atu uza liña chatbot ne’e komunidade bele hakerek mensajen “Hello” ba númeru telefoné +670 75560000 no manda tuir whatsap.