Kinta, 13 Agostu 2020 | Login
Komandante Lere Komandante Lere

Lere Husu Lider Labele Sai Elementu Hun ba Problema Featured

DILI: Xefe Estadu Maior Jerál (F-FDTL), Majór Jenerál Lere Anan Timur, husu ba lider partidu polítiku sira labele sai fali elementu hun ba problema, maibé tenke sai elementu hun fó solusaun ba problema ne’ebé akontese.

“Hau husu ba lider polítiku no lider partidu polítiku atu buka malu hodi fo solusaun ba problema, labele sai fali elementu hun ba problema,” dehan nia, hafoin enkontru semanal ho Prezidenti Repúblika, iha Palasiu Prezidensiál, Bairru-Pite, horisehik.

Lere dehan, sitausaun polítika ne’ebé dadaun ne’e akontese laiha lider partidu polítika, tanba uluk funu tinan 24 iha ai-laran laiha ema ida mak influensia, maibe agora tempu ida hanesan ne’e mak aproveita mai influensia tenke hanoin didiak.

“Ha’u, ema ida la mai atu influensia ha’u, tanba uluk funu mos ema nunka mai influensia ha’u. Tanba ne’e sé mak hakarak influensia tenke hanoin didi’ak lai mak bele influensia ha’u,” katak nia.

Nia afirma, ema balun komesa interpreta katak, Jeneral Lere ema polítika, maibe nasaun indezemvolvimentu presiza ema hotu fo kontribuisaun ba dezemvolvimentu.

Tanba ne’e, kontribuisaun ida mak husu ba lider polítiku sira tenke toma responsabilidade hodi fo solusaun ba problema ne’ebé akontese hela.

Tanba ne’e iha instituisaun F-FDTL laiha ema ida atu mai influensia, hanesan komandante iha F-FDTL, tanba komandante no vise komandante inklui brigadeiru hotu-hotu F-FDTL mesak veteranu, tanba ne’e laiha ema ida atu influensia.

“Uluk funu ema ida la influensia no agora sitausaun impase polítika mos ema ida la influensia, ami iha prinsipiu rasik, maibe hau apela liuliu ba oportunista sira ne’e mak dala-ruma iha interese iha kotuk, sira tenke kuidadu, tanba ida ne’e nasaun,” tenik Lere.

 

Read 858 times
Rate this item
(0 votes)