Kuarta, 20 Janeiru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-01-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
CNRT CNRT

CNRT Deskonfia Renovasaun EE ho Intensaun Politika

DILI: Bankada CNRT iha Parlamentu Nasionál deskonfia iha intensaun politika iha renovasaun Estadu Emerjensia (EE) tanba laiha evidensia katak Timor-Leste iha duni situasaun ne’ebé presiza implementa EE.

Vise Xefe Bankada CNRT, Patrocínio dos Reis Fernandes kestiona renovasaun EE, tanba tuir nia laiha razaun atu estende EE.

“Bankada CNRT la aseita, tanba haree katak estadu emerjénsia sira ne’e karik hanesan razaun politika de’it, tanba laiha evidensia ida bele hatudu ba ita katak ita iha duni situasaun ida ne’ebé ké presiza atu implementa estadu emerjénsia,” dehan nia iha Parlamentu Nasionál, Tersa (01/09).

Tuir nia, governu kontinua propoin estensaun EE tanba karik hakarak atu bele proteze sira-nia interese balun.

Iha fatin hanesan, Vise Prezidente Parlamentu Nasionál, Maria Angelina Sarmento seidauk bele fó ninia komentariu tanba seidauk rona razaun husi governu atu estende EE.

“Pur-enkuantu ha’u seidauk bele adianta tanba ami rasik mós seidauk rona maizumenus governu nia razaun hodi husu tán estensaun estadu emerjénsia, nia baze mak saida. Agora dadaun ha’u seidauk deklara pozisaun husi Bankada governu atu bele a favór ka la’e no pozisaun Bankada CNRT atu kontra estensaun estadu emerjénsia ha’u seidauk adianta,” dehan nia.

Nia informa, lider Bankada komisaun permanente sei deside deliberasaun ba pedidu estensaun EE husi Prezidente Repúblika.

Hafoin deliberasaun, nia dehan, iha 3 setembru sei iha plenária estraordinária ida hodi konvoka prezensa deputadu 65 atu realiza debate ba estensaun EE.

Entretantu, liu husi reuniaun Konsellu Superior Defeza no Seguransa (KSDS) fó apoiu ba pedidu husi governu atu halo estensaun EE.

Xefe Kaza Sivil Palasiu Prezidennsiál Francisco Maria de Vasconcelos hatete, reuniaun Konsellu Superior Defeza no Seguransa (KSDS) ho Prezidente Repúblika Francisco Guterres Lú Olo konkorda ho estensaun EE.

“KSDS sira rekomenda, signfika sira konkorda ho estensaun ida ne’e. EE ida ne’e hanesan ida foin dadauk ne’e ba liu fronteira, aeroportu ho portu, atu kontrolla ka evita transmisaun (Covid-19) ba iha sosiédade sira,” dehan Vasconcelos hafoin reuniaun KSDS iha Palasiu Prezidensiál Bairu-Pite, Tersa (01/09).

Kona-ba bainhira mak PR Lú Olo husu autorizasaun ba PN, Xefe Kaza Sivil hatete, lalais liu ohin, se la’e maka Xefe Estadu enkamina rekomendasaun sira kona-ba pedidu governu nian haruka ba PN.

Entretantu, membru  sira ne’ebé halo parte KSDS mak, Prezidente Repúblika Francisco Guterres Lú Olo, Primeiru Ministru no Ministru Interiór Taur Matan Ruak, Ministra Negósius Estranjeirus no Kooperasaun  Maria Adalzija Magno, Ministru Defeza Filomeno Paixão,   Ministru Justisa Manuel Cárceres, Xefe Estadu Maior Jeneral F-FDTL Lere Anan Timur, Komisáriu PNTL Faustino da Costa, no Diretór Jerál Servisu Nasionál Intelijénsia Manuel Serrano. Hola parte mós iha Konsellu ne’e membru sira nomeadu husi PN hanesan, Adérito Hugo da Costa, David Dias Ximenes, Abel Pires da Silva, no membru sira nomeadu husi Prezidente Repúblika mak, José Manuel Fernandes ‘Nakfilak’ no Cristina da Silva.

Read 989 times
Rate this item
(0 votes)