Domingu, 17 Novembru 2019 | Login
Tribunal Rekursu Tribunal Rekursu

Alterasaun Lei ZEESM Konstitusional Featured

DILI: Tribunal Rekursu (TR) liu husi ninia karta ofisial ba Parlamentu Nasionál (PN) deklara katak alterasaun Lei Zona Espesial Ekonomia Sosial Merkadu (ZEESM) konstitusional.

Ho nune’e, Prezidente Repúblika Francisco Guterres Lu Olo deside hodi promulga alterasaun lei ne’e.

Tuir komunikadu imprensa husi palasiu Prezidensial, iha Kinta (15/08), PR Lu Olo promulga ona alterasaun Lei nú.3/2014, 18 Juñu.

Iha 8 Jullu 2019, PN aprova alterasaun ba artigu 19 no artigu 21 Lei RAEOA-ZEESM kona-ba kompetensia nomeiasaun no ezonerasaun Prezidente Autoridade RAEOA-ZEESM ne’ebé molok ne’e atribui ba PR ba fali governu.

Iha 29 Jullu 2019, PR Lu Olo haruka alterasaun Lei refere ba Tribunal Rekursu hodi husu atu halo fiskalizasaun preventive ba ninia konstitusionalidade. Hafoin, iha 14 Jullu 2019, TR haruka akordaun ba PR hodi deklara katak alterasaun Lei RAEOA-ZEESM la inkonstitusional.

“Ho nune’e, ohin, 15 Agostu 2019, Prezidente Repúblika promulga Alterasaun ba Lei númeru 3/2014,” deklara komunikadu husi Palasiu Prezidente.

Iha fatin ketak, Prezidente Parlamentu Nasional Arão Noe da Costa Amaral informa, iha Kuarta (14/08) PN simu ona karta notifikasaun husi TR kona-ba alterasaun Lei ZEESM artigu 19 no artigu 21.

Iha ninia karta notifikasaun, Arão dehan, TR deside katak alterasaun ne’ebé PN halo la kontra konstituisaun.

“Horisehik ami simu ona karta notifikasaun husi Tribunal Rekursus katak alterasaun lei ne’ebé kria RAEOA-ZEESM tuir kontitusaun,” deklara Arão iha PN, Kinta (15/08).

 “Tanba uluk Prezidente Repúblika mak fó posse, agora muda fali mai Premeiru Ministru no Konsellu Ministru mak sei deside aprova kandidatu ba Prezidente Autoridade, ne’e de’it, seluk mantein, tanba laiha alterasaun ida kona-ba ninia substansia, liu-liu kona-ba estatutu Rejiaun Espesial Oékussi no Atauru”, nia esplika.

Read 847 times
Rate this item
(0 votes)
MidAd1