Diploma OJE 2018, Xefe Estadu La Fó Resposta Sertu Ba Prezidente PN Featured

By Cristina Ximenes Setembru 21, 2018 7517
PPN, Arão Noe de Jesus PPN, Arão Noe de Jesus

DILI: Prezidente Repúblika, Francisco Guterres ‘Lú Olo’, seidauk bele fó informasaun serteza kona-ba Diploma Orsamentu Jerál Estadu (OJE) 2018, ne’ebé Parlamentu Nasionál aprezenta ona atu deside tuir dalan konstituisaun.

Prezidente Parlamentu Nasionál, Arão Noe de Jesus hateten, seidauk iha desizaun ruma husi Xefe Estadu kona-ba Diploma OJE 2018 nian, tanba sei estuda hela.

“Prezidente Repúblika sei estuda depois maka nia sei promulga ka veta tuir mandatu konstitusionál,” dehan nia, hafoin suru-mutu ho PR Lú Olo, iha Palasiu Prezidensiál Bairru-Pité, horisehik.

Tuir Konstituisaun artigu 88 kona-ba “Promulgasaun no Vetu”, iha númeru 1 hateten “Iha prazu loron tolunulu nia laran, hahú husi diploma naran ida husi Parlamentu Nasionál atu promulga hanesan lei, Prezidente Repúblika bele eh uza direitu vetu nian, hodi husu apresiasaun foun kona-ba lia-tatoli ne’e ho fundamentu”

Haree husi kontestu separasaun podér no korredór lei nian, Prezidente PN komprende tanba ne’e kompeténsia prerrogativa Xefe Estadu nian.

Rate this item
(0 votes)

Independente Digital TV