Items filtered by date: Kuarta, 25 Fevereiru 2026

DILI:Polisia Sientifika Investigasaun Kriminal konsege identifika no halo kapturasaun ba Timor-oan ida ho inisial JM ne’ebé deskonfia bosok ema atu rekruta ba servisu iha Australia. Ninia asaun ne’e rezulta vitima balun lakon osan to’o rihun $11.

RAEOA: Primeiru Ministru Kay Rala Xanana Gusmão aloka osan rihun $10 hodi apoia finalizasaun konstrusaun kapela rua iha Rejiaun Administrativa Espesiál Oekusse Ambeno.

Ajuda ne’e fó liu husi Ministru Obras Publika, Samuel Marçal, ne’ebé reprezenta Primeiru Ministru.

LIKISA: Primeiru Ministru, Kay Rala Xanana Gusmão, enkoraza Likisá-oan sira atu hamutuk ho hanoin ida de'it no halo reflesaun kle'an hodi prepara an simu eleisaun Governu Lokál iha 2027.

DILI: Ekipa Interministerial konstitui TIMOR GAP,E.P, MPRM, MJ, MJDAK, MOP, MPIE, MAPF, MAE, MACLN no MI sosializa segunda-feira ne’e, rezultadu identifikasaun no planu realiñamentu auto Estrada Zumalai-Natarbora ba komunidade afetada iha Zumalai, molok halo reidentifikasaun ba rai no propriedade.

DIL: Serbisu Migrasaun forma ona ekipa investigasaun relasiona ho alegasaun katak funsionáriu ida fasilita sidadaun Indonézia ida ho pasaporte ne’ebé kaduka atravesa fronteira Batugade.

DILI: Dezde Janeiru to’o 23 Fevereiru 2026 ne’e, Hospital Nasionál Guido Valadares rejista pasiente dengue na’in 824, husi númeru ne’e na’in 14 mak lakon vida, kompostu husi mane na’in sia no feto na’in lima, maioria ho idade tinan 15.

DILI: Falintil Forsa Defeza Timor-Leste kria kooperasaun bilateral ho Angkatan Darat, Tentara Nasional Indonesia, iha area treinamentu militar, intelijensia, no edukasaun. Akordu ne’e vale ba tinan 10, foku ba hasa’e kapasidade membru F-FDTL.

Komadante Komponente Terrestre, Koronel Domingos da Costa Soares ‘Dobu’ esplika katak, kooperasaun ne’e inklui treinamentu no troka informasaun intelijénsia nian; treinamentu fíziku no tátika operasionál militar; no treinamentu akadémiku iha eskola militár TNI ba ofisiál F-FDTL sira.

“Ohin ami asina akordu ba tinan 10 nian kona-ba apoiu treinu no edukasaun ne’ebé TNI liu husi Angkatan Darat fó mai ita-nia F-FDTL husi Komponente Terrestre nian, oinsa atu fó kapasitasaun ba ita-nia forsa sira, tantu husi soldadu ate ofisiál ne’ebé mak hetan oportunidade,” dehan Koronel Dobu ba jornalista sira, iha JL Word Metiaut, Díli, Segunda (23/02).

Aleinde edukasaun, nia hatutan, kooperasaun ne’e mós inklui fó kapasitasaun ba servisu intellijensia, edukasaun fiziku no operasaun tatika militár nian.

“Parte husi Indonézia prontu apoiu ita atu nune’e ita bele halao treinamentu hamutuk hodi fó esperiensia ba malu tanba ne’e ita nafatin koloka ita-nia efetivu na’in 2 ou na’in 3 ba indonezia hodi tuir formasaun,” katak nia.

Iha fatin hanesan, Deputy Assistant Chef Of Staff for Intelligence,Brigadir Jenderal Vilian Wicaksono hatete, forum ne’e importante hodi hametin kooperasaun bilaterál entre TNI ho F-FDTL.

"Ha’u fiar katak liu husi sorumutu ne’e, ita sei bele halo revizaun ba realizasaun sira, troka hanoin, no dezenvolve programa foun sira ne’ebé sei lori benefísiu mútuaba ezérsitu rua ne’e iha futuru,” katak nia.