Domingu, 18 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-17&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Parlamentu Nasional Parlamentu Nasional

Tempu Badak, PN Sei Hasoru Asaun Boot Featured

DILI: Karreta Estadu ne’ebé eis-deputadu sira ‘lori ba uma’ to’o agora seidauk hatama hotu. Maski promete atu entrega iha tempu badak maibé seidauk realiza. Ne’e duni, estudante universitáriu sira planeia atu halo asaun boot hodi hasoru Parlamentu Nasionál, iha tempu badak nia laran.

Estudante sira ne’ebé hamahan-aan iha Movimentu Universitáriu Defende Povu Maubere (MUDPM), sei organiza malu hodi halo asaun pasifika hasoru deputadu atuál sira, nune’e bele iha sensibilidade ba asuntu ne’e.

Portavós MUDPM, Elísio Ramos hatete, durante halo observasaun ba dezempeñu servisu deputadu IV Lejizlatura iha fulan neen nia laran la produtivu.

Sira laiha interese ba povu nia moris, tanba diskute de’it mak mosaun sensura, mosaun rejeisaun no destituisaun ba kargu Presidente PN. Ne’e hatudu momoos katak, sira iha interese makaas liu ba podér ukun nian, la'ós atu defende povu.

Iha mandatu IV Lejizlatura ne’e iha prosesu polítiku hotu-hotu ne'ebé interese povu nian sira sempre iha diferensa ideia hodi impata prosesu dezenvolvimentu hotu.

Iróniku tebes bainhira deputadu sira husi Bloku Koligasaun no Bloku opozisaun Aliansa Maioria Parlamentár (AMP) konsensu ba vota unanimidade ba karreta Prado ne'ebé favór ba sira nia interese.

Tanba ne’e, husu ba PN atu ezije ba eis-deputadu III Lejizlatura sira atu imediatamente entrega karreta marka Prado ne'ebé agora sira sei uza hodi hala’o sira nia servisu privadu.

“Laiha mak iha tempu badak nia-laran ami sei organiza estudante no joven iha Timor laran tomak hodi halo asaun boot liu fali ida uluk”, dehan Elísio, iha jardín Fakuldade Ekonomia UNTL, Sesta (19/1).

Agora daudaun ne’e movimentu universitáriu sira hahú organiza malu hodi kontaktu ba joven timoroan iha baze atu mai hamutuk halo asaun hasoru PN.

Universitáriu sira ne’e seidauk deside data fiksu asaun ne’e, tanba sei halo hela preparasaun atu labele repete tan situasaun hanesan dahuluk.

Asaun ne’e sei presiza halo enkontru atu bele organiza di'ak liután, tanba sei envolve ema barak husi organizasaun massa sira iha territóriu Timor laran tomak.

Antes ne’e, iha tinan kotuk, Konsellu Administrasaun PN deside halo leilaun ba karreta marka Prado ba deputadu III Lejizlatura sira ho folin $8.000.

Haree ba presu ne’e, laiha balansu tanba ne’e estudante universitáriu sira halo asaun protesta hodi husu atu hapara prosesu leilaun.

Iha asaun ne’e rasik, estudante balun konsege hetan torturasaun husi autoridade seguransa no balun obrigadu tenke tama prizaun preventiva.

Alende ne’e, patrimóniu estadu sira seluk hanesan vidru Universidade Nasionál Timor-Lorosa’e (UNTL) rahun tanba hetan tiru husi membru Polisia Nasionál Timor-Leste no karreta estadu rua seluk rahun.

Ho situasaun ne’e, PN deside hapara prosesu alienasaun no tempu tuir mai deputadu sira husi bankada ida-idak deklara entrega hikas karreta hirak ne’e ba Konsellu Administrasaun PN.

Antes ne’e, Sekretáriu Jerál Konsellu Administrasaun PN, Mateus Ximenes Belo anunsia katak, karreta Prado ne'ebé eis-deputadu III Lejizlatura sira utiliza foin hatama 40 no 25 sei iha hela eis-deputadu sira nia liman.

Nia hatutan, ba sira ne’ebé seidauk hatama hotu karreta, Konsellu Administrasaun PN kontinua halo aprosimasaun liu husi karta xamada. Karta ne’e ba dala tolu ona ho desizaun ikus iha Janeiru 2018.

 

Read 1243 times
Rate this item
(0 votes)