PN:La'ós Tempu Atu Debate Karreta Prado Featured

By Jacinto Xavier Janeiru 24, 2018 849
Karreta Prado Parlamentu Karreta Prado Parlamentu

DILI: Movimentu Estudante Universitáriu Timor-Leste (MUTL) kontinua husu ba Parlamentu Nasionál (PN) hodi haruka eis-deputadu III Lejizlatura sira atu entrega karreta. Maibé asuntu ne’e sei pendente hela, tanba deputadu sira preokupadu makaas ho sira nia ‘destinu.

Portavós PN, Lídia Norberta hateten, la'ós tempu atu debate karreta prado tanba nasaun ne’e sei iha hela impase polítika.

Nia hatutan, kona-ba karreta prado ne’e sai hanesan asuntu komplementár. Tanba ne’e, agora daudaun la'ós tempu atu debate asuntu karreta prado.

Haree katak nasaun ne’e sei enfrenta hela problema polítika. Tanba ne’e, presiza atu rezolve uluk ida ne’e.

Ha'u bele la’o de'it naran katak rezolve uluk problema polítika ida ne’e”, dehan Lídia, iha Uma Fukun PN, horisehik.

Nia hatutan, problema karreta ne’e la'ós la importante maibé presiza rezolve uluk lai situasaun polítika iha rai laran.

Iha fatin ketak, portavós (MUDPM), Elísio Ramos hatete, deputadu Parlamentu Nasionál IV Lejizlatura la interese liu ba povu.

Tanba durante iha sira nia mandatu diskute no aprova de'it ho votu unanimidade ba karreta maibé programa governu sira rejeita hare ba asuntu karreta ne’e sira aprova tanba sira iha interese.

Rate this item
(0 votes)

Independente Digital TV