Tersa, 07 Dezembru 2021 | Login
PLP kampanha ikus iha Tasitolu Dili PLP kampanha ikus iha Tasitolu Dili

Osan Pensaun Vitalisia, TMR Fó Bolsu Estudu ba Estudante 22 Featured

ERMERA:Eis Prezidente Repúblika Taur Matan Ruak (TMR)uza osan pensaun Vitalisia fó ona bolsu estudu ba estudante kbiit laek nia oan hamutuk 22.

Taur dehan, Benefisiáriu 22 ne’e mesak povu kbiit laek nia oan ne’ebé hetan ona bolsu estudu iha etapa dahuluk.

Prezidente PLP ne’e dehan, promete lakohi simu osan pensaun vitalisia, maibé sei kontinua aloka  ba bolsu hodi apoiu fali ba ema sira kbiit laek atu osan labele fila ba kofre estadu.

“Ita kontra pensaun vitalisia no hateten ba família sira hakarak oan sira hetan bolsu estudu entaun vota ba PLP,”dehan nia iha Postu Administrasaun Gleno,Munisípiu Ermera, Tersa (18/07).

Nia informa, Kada tinan nia simu pensaun vitalisia hamutuk tokon $30, ne’ebé kada fulan simu 2500 dolar Amerikanu.

“Ha’u hanoin prezidente simu pensaun vitalisia boot entaun uluk ha’u labele atu halo funu manan uitoan de'it di’ak liu sai prezidente para manan liu imi sira ne’e nia,”dehan Taur

Subsídiu ba Agrikultór Kafé

Taur dehan, agrikultór Kafé iha Ermera nia produsaun di’ak tebes hanesan rendimentu uniku hafoin mina rai lori rendimentu ba Timor Leste.

Maibé, nia observa agrikultór kafé sira governu ladún fó atensaun ne’ebé tinan bai loron nia folin kada kilograma $0.35 sentavu.

“Ita nia investimentu laiha, ita gasta ba buat seluk mais investimentu ba ita nia kafe laiha”, dehan nia.

Karik povu Ermera fó fiar ba PLP, nia dehan sei iha programa fó subsidiáriu halo renovasaun kafé povu sira nian.

Taur Promete sei loke indústria ki'ik sira oinsá mak atu transforma kafé rahun, tanba folin kafé iha Dili xikra ida folin $ 2 ida ne’e signifika katak kafé uut kilu ida bele to’o $ 100.

Nia kompara iha Austrália kafé musan kilu ida $18, maibé iha Timor laiha folin

“Se imi hili mudansa, imi vota ba PLP”, dehan nia.

Baukau-Oan Vota PLP

Iha kampaña lejizlativa ba dala ikus Partidu Libertasaun Populár (PLP) iha Munisípiu Baukau , Taur dehan,  hanesan manu aman Baukau ne’e Baukau-oan hotu tenke vota ba partidu Libertasaun Populár (PLP) tanba nia lakohi moe dala ida tan iha nia rai moris fatin Baukau.

“Ha’u lakohi tsunami, maibé ha’u hakarak tasi mak sa'e tiha iha Baukau, ohin Baukau nakonu ho ema, ida ne’e premeira vez iha ita nia istória ne’ebé imi hatudu imi nia solidariedade ba ha’u hanesan Baukau oan kontente loos”. Dehan nia.

Tanba ne’e, Nia husu ba povu Baukau tomak atu vota ba Partidu Libertasaun populár (PLP) hodi  labele hamoe nia aan iha ninia munisípiu rasik.

Read 2628 times
Rate this item
(0 votes)

About Author