Prezidente Movimentu Loriku PLP Saimon Koboy hateten, movimentu antes ne’e deklara ona hodi apoiu kandidatu Assanami, tanba haree katak nia hanesan joven ida ne’ebé matenke no maduru ona iha politika.
“Antes ne’e ami tuur hamutuk ho halo diskusaun se loos mak ami atu apoiu, maibé ami tetu no haree katak kandidatu hotu-hotu ema ida la diak liu Assanami,” dehan nia, iha kampu futebol Vikeke Kuart (09/03).
Koboy informa, razaun Movimentu Loriku hili dalan apoiu Assanami, tanba tuir observasaun durante ne’e haree ninia intevensaun politika iha parlamentu no iha fatin sira seluk sempre halis ba povu kiik sira.
Tinan 20 ona nasaun ne’e uku naan, dezenvolvimentu la la’o, povu barak sei halerik ba bee moos, estrada, eletrisidade, ekonomia la la’o, tanba ne’e povu tomak tenke hili kandidatu PR ida ne’ebé mai ho programa la’os atu nune’e ukun karik implementa hodi hadia povu nia moris.
Kandidatu ida ne’e mai husi maubere oan, nia koñese momos povu kiik sira nia problema, nia ema ne’ebé sempre hamutuk ho povu kiik sira.
Tanba ne’e, husu ba Movumentu Loriku PLP iha Munisípiu Vikeke no iha munisípiu sira seluk atu nafatin mobliza malu hodi fó votus konfiansa ba Assanami atu sai PR hodi hadia povu nia moris bao in.
Iha fatin hanesan, Kandidatura PR, ho numeru sorteiu 16, Mariano Assanami Sabino Lopes, agradese ba movimentu hotu-hotu, no militante sira mai husi partidu FRETILIN, PLP, CNRT no sira seluk atu bele fó votus ba nia atu nune’e sai PR hodi hadia povu nia moris.
