Reprezentante Grupu Joven Milenial Munisípiu Lautein, Sergio Alves da Costa hateten, grupu joven milenial Lautein oan organiza malu kleur ona ho nune’e iha loron 19 fulan-Marsu sei vota ba kandidatu Assanami atu sai xefe estadu.
Hanesan joven fiar katak, nia sai PR sei revitaliza demokrasia, revitaliza espiritu fraternidade, solidariedade, unidade, no garantia felisidade povu tomak nian.
Ba transfigurasaun lideransa tinan 20 ne’e naton ona ba jerasaun foun sira atu kaer ukun hanesan Prezidente Repúblika. Ohin Assanami kandidatu aan iha momentu ne’ebé sertu ba responde situasaun atual hodi salva guarda konstituisaun.
“Husu juventude milenial liu-liu juventude mileniala Lautein oan iha eleisaun ida ne’e labele vota ho sentimentu, labele vota ho emosionál, labele vota ho material, maibé vota ho rasionál, hili Asaanami atu sai prezidente,” dehan nia, iha Kampu Demokrasia, Lospalos Domingu (13/03).
Nia informa, Assanami nia vitoria hodi hatudu ba mundu katak jerasaun foun Timor mós bele, hodi lori nasaun ne’e ba oin, lori mundu mai Timor no lori Timor ba mundu.
Assanami nia vitoria la’os vitoria ba Partido Democrátoco, maibé ne’e votoria ba povu tomak.
