"Desde ukun kolonial Portuguesa, kafé timor koñesidu ona iha mundu, tanba ita nia kafe timor kualiadade di'ak tebes," deklara kandidatu Independente ho numeru 11, bainhira hala’o dialogu ho komunidade sira iha Suku Fatukeiru Postu adminitrativu Ermera, Munisipiu Ermera, (11/03)
Nia haktuir, povu Ermera ninia ekonomia depende liu ba kafé, maibé to'o agora ninia presu nafatin de’it no laiha esforsu ida atu transforma kafe ne'e sai espesiál liu ho presu ne'ebé maka a'as.
" Ha'u nia planu ne'e atu transforma ita nia kafe ba kafe ida ne'ebe espesiál liu iha mundu, nune'e bele iha valor ne'ebe adisional,” tenik nia.
Nia esplika, uluk sei asumi kargu nu’udar Ministru Negosiu Estranjeiru Kooperasaun, nia parte tenta servisu hamutuk ho UNDP hodi lori investimentu ba kafé para importa ba nasaun seluk.
Nia parte mós sei husu ba governu atu hadia estrada hirak ne'ebé liga ba populasaun sira nia fatin ne'ebé kuda kafe, tanba to’’o agora estrada balun sei kontinua a'at.
Atu realiza promesa hirak ne’e, kandidatu Prezidente Republika, Constancio Pinto husu ba militante sira iha munisipiu Ermera atu bele votus ba nia,nune’e bele realiza promesa hirak ne'e.
Iha ambitu kampaña eleitoral ne'e hetan observasaun direita husi Comisaun Nasional Eleisaun (CNE) no Polisia Nasional Timor-Leste (PNTL)
