Assanami sei Hakruk ba Desizaun Povu

By Jacinto Fernandes Marsu 19, 2022 423
Kandidatu PR 2022-2027, Mariano Assanami Sabino, forma tuir lina hodi ba vota, iha sentru votasaun, Eskola Báziku Bairru-Pité, Sabadu (19/03). Foto Jacinto Fernandes/Independente Kandidatu PR 2022-2027, Mariano Assanami Sabino, forma tuir lina hodi ba vota, iha sentru votasaun, Eskola Báziku Bairru-Pité, Sabadu (19/03). Foto Jacinto Fernandes/Independente

DILI: Kandidatu Prezidente Repúblika ho númeru sorteiu 16, Mariano Assanami Sabino Lopes, deklara sei respeita no hakruk ba desizaun saida de’it husi povu iha eleisaun presidensial 2022-2027.

Hanesan kandidatu sei hakruk ba desizaun hotu ne’ebé povu sei deside demokratikamente, tanba ukun ne’e povu nian, sira mak iha poder tomak atu hili ema ida ne’ebé sira konfia atu sai sira nia prezidente.

“Ha’u hanesan kandidatura ida buat hotu ha’u halo ona iha tempu kampaña ohin entrega ba povu atu hili, manan ka la manan ne’e desizaun povu nian ita simu, nune’e se mak sai Prezidente Repúblika ita tenke garantia independensia nasionál, fó livre ba ema hotu atu hala’o nia atividade sira,”dehan nia, hafoin ezerse nia direitu votu iha sentru votasaun, Eskola Báziku Bairru-Pité, Sabadu (19/03).

Assanami informa, iha kampaña eleitoral programa hotu-hotu hato’o hotu ona ba inan aman no joven milenial sira hotu, husik sira hili tuir konsensia, se karik kandidatu sira balun dehan manan metin ona maske rezultadu seidauk iha ne’e bele deskonfia katak nia iha kotuk halo hela buat ruma.

Tanba ne’e, ba CNE-STAE sira atu organiza eleisaun ne’e ho responsabilidade, labele mosu manipulasaun ruma iha prosesu ne’e, tanba ukun aan ne’e ema mate rihun 300.

Rate this item
(0 votes)

Independente Digital TV