Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Sentru evakuasaun 04 de Setembru UNAMET-Balide Dili. Foto Saturnina da Costa/Independente Sentru evakuasaun 04 de Setembru UNAMET-Balide Dili. Foto Saturnina da Costa/Independente

Vitima Inundasaun Rihun 6 Sei Iha Sentru Evakuasaun 30 Featured

DILI:Vitima inundasaun ne’ebé akontese iha 4 Abril 2021, hamutuk rihun neen (6) resin mak sei iha sentru evakuasaun ativu 30, iha teritóriu Timor laran tomak.

Diretór Jeral Dezenvolvimentu Rural, Rosito Guterres hatete, bainhira inundasaun akontese iha loron tolu mai oin, parte Ministériu Adminiatrasaun Estatal (MAE) halo kedan intervensaun emerjénsia hodi identifika fatin evakuasaun sira ne’ebé vitima sira hela hamutuk 44.

“Kuandu inundasaun akontese iha loron tolu oin mai ami halo intervensaun emerjensia sira hodi identifika ita nia sentru refujiadus ne’e hamutuk 44, maibé to’o gradualmente lao komesa redus ona, no agora dadauk sentru refujiadus hela de’it ona 30 mak ativu no ita tau matan hela,”dehan nia iha knar fatin, MAE, Colmera, (23/04).

Entretanto, familia uma kain sira ne’ebé afetadu ba inundasaun iha teritoriu Timor laran tomak hamutuk rihun 28.734.

Entre munisipiu sira, iha Dili uma kain rihun 25.881, munisipiu Lautem 80, Aileu 167,  Ainaro 301, Baucau 90, Vikeke 472,  Kovalima 120,  Bobonaro 156,  Likisa 427, Ermera 92, Manatuto 441, Manufahi 114 no Oecuse 393.

Nune’e MAE mós halo ona levantamentus ba dadus, liu husi Xefe Suku sira no Xefe Suku sira lori formatu ba priense hodi identifika komunidade sira ne’ebé hetan uma no sasan sira ne’ebé estragus.

Hodi hetan klasifikasaun ba sasan sira ne’ebé estragus hanesan, estragus moderadu ka estragus total, ida ne’e MAE sei identifika hotu.

Nia akresenta, munusipiu Ataúro mak lista seidauk tama. Iha kapital Dili entre Suku 36, iha Suku 8 mak afeitadu liu hanesan, Suku Hera, Madohi, Kristo Rei, Camea, Bidau Santana, Comoro, Tasi-Tolu, no 12 Novembru.

 

Jornalista: Saturnina da Costa

Editor: Jose Sarito Amaral

Read 246 times
Rate this item
(0 votes)