Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dioseze Dili Seidauk Bele Reativa Misa Arke Bispu Dioseze Dili, Dom Virgilio do Carmo halo kordenasaun ho parte Ministeriu Saude nian kona-ba medidas prevensaun surtu Covid-19, bainhira iha posibilidade reativa misa, kinta (22/4), iha sala enkontru Dioseze Dili.

Dioseze Dili Seidauk Bele Reativa Misa Featured

DILI:Arke Bispu Dioseze Dili, Dom Virgílio do Carmo seidauk halo anunsiu ofisial ba reativasaun misa, tanba sei iha kordenasaun ho Ministériu Saúde kona-ba medidas prevensaun surtu Covid-19 tuir protokolu Organizasaun Mundiál Saúde (OMS).

Sekretariu Dioseze Dili, Padre Paulos Maia hatete, reativasaun misa iha Dili seidauk iha anunsiu ofisial.

Nia konfesa katak, iha ona enkontru ida husi parte Arke Bispu Dioseze Dili ho ekipa Ministériu Saúde hodi troka hanoin oinsa bele iha posibilidade reativa fali atividade relijaun.

Maibé desizaun husi enkontru ne’e, tuir Amu Paulos hatete, sei segredu hela no nia laiha kompeténsia atu  anunsia.

“Los duni horseik (Kinta, 22 Abril) Dioseze Dili iha inkontru ida, inkontru ida ne’e hodi husu  parte Ministériu Saúde nian hodi hetan posibilidade atu reativa fali  misa, maibé tanba ida ne’e sei segredu, no seidauk iha desizaun ofisial ruma hodi reativa fali misa, maibé karik iha ona desizaun final sei anunsia ba públiku hodi bele hatene,”dehan Amu Paulus.

Tuir nia katak, parte Igreja nafatin kolabora hodi apelu ba ema hot-hotu no sarani sira atu iha obrigasaun kumpri medidas preventiva Covid-19 tuir orientasaun Ministériu Saúde (MS) no Organizasaun Mundiál Saúde (OMS).

“Iha inkontru ida ne’e husi parte Ministériu Saúde nafatin bolu atensaun atu mantein nafatin medidas preventiva ne’ebé MS no OMS oferese, ida ne’e prinsipal no importante atu ita mantein nafatin tanba bainhira ita reativa fali misa konserteja ita sei halibur ema barak entaun medidas prevensaun ne’e nesesariu tebe-tebes kuandu reativa fali misa,”dehan Amu.

Sei iha enkontru tuir mai hodi deside fali misa no sei anunsia ba públiku.

Entretantu bainhira iha ona desizaun, Arke Dioseze Dili sei deside nia politika rasik, posibilidade reativa misa maibé obrigatóriu tuir orientasaun protokolu OMS nian.

“Iha ambitu Covid-19 no Serka Sanitaria ida ne’e husu ba Parokia ida-idak tenke duplika misa ou halo barak misa hodi nune’e sarani sira hot-hotu bele partisipa hodi mantein distansiamentu sosial karik iha ona desizaun ofisial ruma husi Arke Diosese Dili kona-ba reativasaun misa,”dehan Amu Paulus.

Entretantu desizaun Dioseze Dili deferente ho Dioseze Baucau nian. Iha Dioseze Baucau iha ona misa liturjia Domingo (18/4) ne’ebé lao iha Igreja Katedral Santo Antonio Baucau no Igreja Colegio Fatumaca, bazeia ba anunsiu Bispo Dioseze Baucau Dom Basilio do Nascimento, liuhusi komunikadu Sabdu (17/4), hodi fó autorizasaun ba sarani sira bele ba fali misa.

Tanba tuir Bispo nia interpretasaun ba rezulusaun Governu nian ne’ebé fó autorizasaun hodi hapara konfinamentu obrigatoriu. Nune’e serka sanitaria mak nafatin vigor, no labele sai husi munisipiu ida ba munisipiu sira seluk.

“Ha’u mai fó hatene ba komunidade sarani sira hotu katak, ita nia selebrasaun liturjia no relijioza sira bele lao normal fali ona iha igreja sira,”dehan nia liu husi karta komunikadu ne’ebé Online Independete asesu iha loron sabado (17/04).

Ho nune’e Dom Basilio husu ba sarani sira atu nafatin tuir regras sira ne’ebé Organizasaun Saúde Mundial fó sai ona.

Bazeia ba desizaun Konsellu Ministru iha loron 14 fulan-abril tinan 2021, aprova ona projetu Rezolusaun Governu nian, ne’ebé kontinuasaun husi impozisaun serka sanitária iha Munisípiu sira hanesan Dili, Baukau no Vikeke to’o loron 2 fulan-maiu.

Rezolusaun ne’e, bandu sirkulasaun ema nian entre munisípiu sira-ne’e no sirkunskrisaun administrativa sira seluk, exetu iha kazu sira ne’ebé iha fundamentu forte tanba  razaun seguransa públika, saúde públika, asisténsia umanitária, manutensaun sistema sira abastesimentu públiku ka realizasaun interese públiku nian.

Iha rezolusaun ne’e, sei kontinua ho regra anterior, sei bandu movimentasaun ka atividade halibur ema barak liliu atividade relijaun.

Entretantu, tuir Ministru Presidensia Konsellu Ministru (MPKM), Fidelis Leite Magalhães husu ba Sentru Integradu Jestaun Krize (SIJK) atu fó atensaun ba Dioseze Baucau.

“Tanba ne’e kona-ba serka sanitaria ne’ebé mak dadaun lao ne’e tuir rezolusaun Governu nian, nunee Sala Situasaun Sentru Integradu Jestaun Krize mak koordena kona-ba nia implementasaun, hanesan nia lalaok sira iha terenu ne’e kabe ba kompetensia SIJK mak tenki asegura nia implementasaun sira,” dehan MPKM Fidelis ba jornalista, iha Palasiu Governu, Kurta(21/04/2021).

 

Jornalista: Camilio de Sousa

Editor: Jose Sarito Amaral

Read 371 times Last modified on Sábadu, 24 Abril 2021 07:09
Rate this item
(0 votes)