Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Kaixaun matebian foin hatuun iha izolamentu vera crus Dili. Foto Independente Kaixaun matebian foin hatuun iha izolamentu vera crus Dili. Foto Independente

Ohin, Pasiente Mate ho Covid-19 Haloot Iha Bekusse Featured

DILI:Pasiente ho Covid-19, Olga Mendonsa (61), sesta ohin (23/4) haloot iha semitériu Bekusse  Dili, hafoin familia matebian halo negosiasaun ho parte Sentru Integradu Jestaun Krize (SIJK) kona-ba regra prokolu Organizasaun Mundiál Saúde (OMS).

Pasiente ne’e mate loron 22 fulan-Abril, iha fatin izolamentu vera crus, ne’ebé ho moras komplikadu hanesan mear, dada iis susar no stomagu.

“Nia moras ne’e grave ona mak ami lori ba iha Hospitál Nasionál, maibé antes ne’e sira hatete nia laiha moras Covid-19, hafoin to’o iha Hospitál Nasionál baixa iha emerjensia mak deteta pozitivu Covid-19 no ekipa saúde evakua kedas mai iha izolamentu Vera Kruz,”dehan Matebian nia la’en, Armindo Amaral iha Vera Cruz, Kinta (22/04).

Nia esplika, matebian tama iha HNGV iha 19 Abril, no hafoin deteta pozitivu Covid-19, transfere ba sala izolamentu, no hafoin loron tolu pasiente nia is kotu.

Iha sorin seluk, Koordenador Destakamentu Reasaun Rápida Aurélio Guterres dehan, bainhira ekipa SIJK simu informasaun husi Vera Cruz katak pasiente Covid-19 ida is kotu iha Kinta madrugada, pilar I to’o VI, inklui MSSI konvoka kedas enkontru ho familia matebian kona-ba oinsa atu haloot mate-isin.

“Ami konkorda prosesu haloot hanesan kultura baibain, maibé nafatin tuir protokolu OMS ninian ne’ebé hatur ona no sei hakoi iha semiteriu públiku Bekuse,”dehan nia.

Tuir dadus Covid-19, kinta horsehik (22/4), Timor-Leste rejista kazu 1,452, rekuperadu 731 no mate na’in tolu (3).

Pasiente ho Covid-19 ne’ebé mate dahuluk mak Francisca Gama iha 5 Abril 2021, ho moras komplikadu.

Pasiente daruak ne’ebé mate mak Armindo Borges iha 11 Abril 2021 mós hetan moras komplikadu.

Pasiente datoluk mak Olga Mendonsa (61) husi Lahane Osidental, mate iha 22 Abril, ne’ebé  mai ho moras komplikadu hanesan mear, dada iis susar no stomagu.

Read 244 times
Rate this item
(0 votes)