Sexta, 24 Setembru 2021 | Login
Elikoptru ne'ebe apoia husi Empreza SANTOS no Governu Australia ba Timor-Leste. Foto Independente. Elikoptru ne'ebe apoia husi Empreza SANTOS no Governu Australia ba Timor-Leste. Foto Independente.

Lansamentu Dahuluk ba Elikoptru Tula Sasan Umanitária ba Ataúro Featured

DILI:Hafoin simu elikoptru ida apoiu husi Governu Australia ho kompañia internasionál SANTOS kuarta horsehik (21/4), kinta ohin (22/4) Governu halo lansamentu dahuluk hodi tula sasan umanitária ba Postu Administrativu Ataúro, Munisipiu Dili

Sekretariu Estado Proteção Civil, Joaquim Jose Gusmao dos Reis Martins hamutuk ho ekipa halo lansamentu ba ajudus umanitariu ne’e ba Illa Atauru ne'ebé afetadu husi siklone tropikal Seroja iha loron 4 Abril 2021.

Elikoptru ne'e Governu Timor-Leste aluga husi kompania aviasaun McDermott husi Australia ho Nu..registu N365J4, hetan apoiu orsamentu husi Empreza Petrolifera SANTOS no Governu Australia. Kustus aluga elikoptru hamutuk ho kustus ba operasionál kada fulan hamutuk dolar Australia rihun $250.

“Ohin loron dahuluk, hodi transporta ajudus umanitariu ba vitima inundasaun Sira iha Ilha Atauru ne'ebe hetan afetadu durante udan bo'ot iha Kapital Dili no Teritoriu Laran, hamosu destruisaun maka'as ba infrastrutura Publiku no privadu, Estrada,Ponte kotu/Tohar hodi difikulta Governu fo asistensia emergensia ba populasaun sira iha area rudal.tanba ne'e Governu Timor-Leste deside aluga Helikoptru hodi fasilita apoio emergensia,”hateten SEPS Joaquim, iha ambitu lansamentu dahuluk ba elikoptru no transporta sasan umnitaria ba illa Ataúro.

SEPS transporta apoiu umanitariu ba vitima sira iha Ataúru hanesan fos sakas 107, inklui supermie, ikan lata, bolasa, susuben no mina. 

 

Jornalista: Saturnina da Costa

Editor: Jose Sarito Amaral

Read 264 times Last modified on Kinta, 22 Abril 2021 22:50
Rate this item
(0 votes)