Hafoin to'o, iha Aeroportu, Vise Primeiru Ministru Santa Sé ArceBispu Edgar Pena Parra, simu direita husi Komisaun Organizadóra Padre Guilhermino da Silva, akompaña husi Sua Eminênsia Reverendisima Kardeál Dom Virgílio do Carmo da Silva, Bispu Diocese Maliana, Dom Nobertu do Amaral, Reprezentante Santa Sé iha Timor-Leste, Menseñor Marco Sprizzi, no mós Vise Ministru Negosiu Estranjeiru no Koopersaun, Julião da Silva no membru Governu balun.

Tuir observasaun, husi Online INDEPENDENTE, iha terenu nota katak, Vise Primeiru Ministru Santa Sé to’o iha Aeroportu simu ho dansa kultura tradisional Timor-leste nian no mós simu ho lia dadolin, hafoin tara tais ba Vise PM Santa Sé.

Entretantu, tuir orariu, iha tuku 15:45 Vise PM Santa Sé ArceBispu Edgar Pena Parra, hala’o enkontru ho Prezidente Republika José Ramos Horta, iha Palasiu Prezidensial Aitarak-Laran, Bairu Pite, Dili.

Nune'e, iha tuku 16:15, sei halo lansamentu ba Sentru Fraternidade humana iha Timor-Leste kona-ba paz mundial.

Iha ambitu lansamentu ne'e sei partisipa husi reprezenta rejiaun iha Timor-Leste no mós Sua Eminênsia Reverendisima Kardeál Dom Virgílio do Carmo da Silva.

Aleinde, iha tuku 17:00 sei hemu hamutuk ho diplomatiku sira iha Palasiu Prezidensial ho onhra ba Arsebispu Sekretaria estadu, Edgar Pena Parra.

Enkuantu, iha tuku 18:00, Vise PM Santa Sé ArceBispu Edgar Pena Parra, sei partisipa serimonia Grand Final Fokal Group Konsolidasaun Fraternidade Umana “Taxa Avo Nana 2022” iha Salaun Delta Nova.

Ikus liu, iha tuku 19:00, Vise Primeiru Ministru Santa Sé, sei jantar hamutuk ho Prezidente Republika.

Tuir orariu, Vise Primeiru Ministru Santa Sé ArceBispu Edgar Pena Parra iha Timor-Leste, durante loron lima nia laran hahú husi loron 19 to’o 23 fulan-Setembru tinan ne’e.