Projetu Rezolusaun Governu nian ne'e, aprezenta husi Ministru Administrasaun Estatál (MAE) Miguel Pereira de Carvalho.
“Rezolusaun Governu nian ne’e aprova hodi nomeia Vise Ministru Administrasaun Estatal, Lino de Jesus Torrezão hanesan reprezentante espesiál Governu Timor-Leste nian hamutuk ho Governu Guiné-Bisau hodi prosesu ba identifikasaun kona-ba nesesidade husi Estadu ida-ne’e ba realizasaun eleisaun livre no justu, iha loron 18 fulan-dezembru tinan 2022 oin mai,” dehan Ministru Prezidensial Konsellu Ministru, Fiidelis Leite Magalhães iha Palasiu Governu, kuarta ne'e (13/07).
Nia hatutan, reprezentante Governu Timor-Leste nian ba iha Guiné-Bisau, hodi halo mós misaun exploritoria ida hodi haree ba area hirak ne’ebé TL bele bele ajuda Guiné-Bisau, liu-liu resensiamentu no eleisaun sira.
