Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Diretór Misaun USAID iha Timor-Leste, Harold Carey, entrega kantil ba Madre Rev. Guilermina Marçal FDCC, Supériora Eskola Canosa. Foto:Grigoriu/INDEPENDENTE. Diretór Misaun USAID iha Timor-Leste, Harold Carey, entrega kantil ba Madre Rev. Guilermina Marçal FDCC, Supériora Eskola Canosa. Foto:Grigoriu/INDEPENDENTE.

USAID Fornese Ekipamentu ba Estudante ho Profesor Sira

DILI: Estadus Unidus Amérika liu husi Ajénsia ba Dezenvolvimentu Internasionál (USAID-Sigla Inglés), fornese ekipamentu ba estudante ho professor sira iha eskola Canosa Manleuana Dili.

Enkuantu, ekipamentu sira mak hanesan, kantíl 5,000 no pasta. Ekipamentu kantil ne’e atu oferese ba estudante ho profesores sira atu nune’e, bele redus plástiku iha area eskola no komunidade nia leet.

Diretór Misaun USAID iha Timor-Leste, Harold Carey hatete, programa ne'e, atu eduka no enkoraja estudante no mós individu ida-idak, atu prevene saúde Ambiental, nune’e redús uza plástiku.

Nia hatutan, sira  konkorda ona regras no regulamentu ne’ebé estabelese iha eskola, atu regula membru eskola ida-idak hodi toma responsabilidade ba soe lixu iha nia fatin, tau ketak lixu orgániku no naun-orgániku, bandu atu uza masa plástiku sira.

“Estudante sira tenke uza hahan fatin ou kantíl atu tau sira nia hahan no bebidas no konsume bee-hemu ne’ebé fornese husi eskola,”dehan nia iha salaun Canosa has laran Comoro, segunda (25/10).

Enkuantu, Madre Rev. Guilermina Marçal FDCC, Supériora Eskola Canosa dehan, programa kona ba eskola matak ne’e importante tebes.

“Ne’e hanesan ami-nia mehi ida atu eduka foin-sae sira no sira-nia inan-aman, oinsá atu kria ambiente ida ne’ebé saudavel no seguru. Tanba bainhira ita atinji ona ambiente ida hanesan ne’e, ita sei atrai liután ema barak mai vizita ita-nia rain,”dehan Madre Guillermina.

“Tanba ne’e, nia parte agradese ba USAID nia programa turizmu ba ema hotu ne’ebé sempre servisu ho ami atu realiza ami-nia mehi sai realidade, liu-liu fornese kantíl 5,000 no pasta ba ami-nia alunus no profesór(a) sira atu redús plástiku ne’ebé sira konsume loro-loron iha eskola no komunidade.”nia hatutan.

Programa ne’e ajuda ona eskola sira hodi organiza séminar ida iha fulan-Agostu liubá hodi kria dezeñu ba modelu eskola matak, ho objetivu atu reforsa Sekretária Estadu Ambiente nia esforsu sira atu prienxe kritéria sustentabilidade ASEAN nian kona-ba edukasaun no turizmu.

Entretantu, iha fatin hanesan, Diretora Sentru Edukasaun no Informasaun Ambientál, iha Sekretária Estadu Ambiente (SEA), Aménica Machado Fernandes, dehan, importante tebes atu involve foin-sae sira iha asaun no edukasaun ambientál. Presiza empodera no motiva estudante sira atu halo mudansa no hasa’e sensibilizasaun iha sira-nia eskola, komunidade no iha fatin hotu. Timor-Leste nia turizmu dependente ba nia ambiente naturál ne’ebé iha, no liga ba dezenvolvimentu indústria turizmu sustentavél, sei loke oportunidade ba estudantes barak atu hetan servisu iha futuru.

 

Asistente Editor: Saturnina da Costa

Read 213 times
Rate this item
(0 votes)