“Ita hatene katak lei protesaun (labarik) ninia prosesu to’o ona iha Parlamentu Nasionál, maibé to’o agora kaduka hela no seidauk iha ninia prosesa ba oin,”dehan reprejentante UNICEF iha Timor-Leste, Bilal Zen Durrani, hafoin surumutuk ho Xefe Governu Taur Matan Ruak, iha Rezidensia PM Farol, tersa (18/05).

UNICEF mós husu apoiu Ministériu Justisa no Ministériu Solidariedade Sosiál no Inkluzaun oinsa atu bele dudu prosesu ne’e la’o ba oin iha Parlamentu Nasionál.

Labarik sira nia direitu no protesaun garantidu iha lei internasionál no Konstituisaun Repúblika Timor-Leste.

Iha tinan 2016, Konsellu Ministru VI Governu Konstituisionál aprova proposta Lei Protesaun Labarik no submete ba Komisaun A Parlamentu Nasionál iha mandatu Terseriu Lejislatura nia-rohan maibé proposta ne’e lakonsege diskuti no aprova, nune’eproposta ne’e sai kaduka.

Proposta lei ne’e, Ministériu Solidariedade Sosiál husi VI Governu Konstitusionál mak aprejenta ba Konsellu Ministrus.

Proposta Lei ne'e nia objetivu hodi promove labarik sira-nia direitu, prevene ameasa ba sira-nia bein-estar, no garante protesaun ba labarik sira ne'ebé iha risku no perigu, apoia sira-nia bein-estar no kompleta sira-nia dezenvolvimentu.

Asistente Editor: Saturnina da Costa