Sexta, 24 Setembru 2021 | Login
Vasina AstreZeneca rihun 24 dozes ne'ebe mai uluk mai iha Timor-Leste iha loron 5 fulan-Abril, apoiu husi UNICEF liu husi COVAX Facility. Foto: Camili/Independente. Vasina AstreZeneca rihun 24 dozes ne'ebe mai uluk mai iha Timor-Leste iha loron 5 fulan-Abril, apoiu husi UNICEF liu husi COVAX Facility. Foto: Camili/Independente.

UNICEF Apoia Vasina AstraZeneca 76.800 ba TL Featured

DILI:United Nation Childern’s Fund (UNICEF), oferese vasina AsatraZeneca hamutuk dozes 76,800 (rihun hitu nulu resin neen, atus valu), ba Governu Timor-Leste.

Tuir planu, apoiu ne’e sei to’o Timor-Leste iha semana rua oin mai (fulan-Juñu) tinan ida ne’e.

“Ha’u ohin ekontru ho Primeiru Ministru, dahuluk introdus hanesan reprezentante UNICEF foun iha Timor-Leste, tu’ir mai hodi ko’alia kona-ba oinsa atu hatan ba Covid-19 nian, katak semana rua oin mai, UNICEF sei apoia tan vasina AstraZeneca dozes 76,800,”dehan reprejentante UNICEF, Bilal Zen Durrani, hafoin hasoru malu ho PM Taur Matan Ruak, iha Rezidensia Farol, tersa ohin (18/05).

Bilal hatutan, aliende apoiu Vasina AstraZeneca, UNICEF sei prepara fatin prezerva vasina (fatin malirin) iha nivél nasionál no rejionál sira, hanesan mós sentru saúde iha Múnisípiu.

Apoiu datoluk husi UNICEF ba kombate Covid-19, mak sei hala’o mós divulgasaun no konsentizasaun kona-ba importansia vasina nian iha públiku.

Atu halo divulgasaun informasaun ba atividade hirak ne’e, liuhusi servisu hamutuk ho media Gabinete Primeiru Ministru nian no kanál media sira iha Timor-Leste.

Entretantu, iha loron 5 fulan-Abril,  UNICEF apoiu ona vasina AstreZeneca rihun 24 dozez mai Timor-Leste liu husi COVAX Facility no ema rihun 28 mak simu ona vasina AstreZeneca ne'e.

Nune'e mós Governu Australia apoiu Vasina AstreZeneca rihun 20 iha loron 5 fulan-Maiu no ema ne'ebe simu ona vasina hamutuk 9,720.

Enkuantu, tuir planu Australia sei oferese tan Vasina AstreZeneca rihun 10, aliende Governu Xina mós sei apoiu tan Vasina SINOVAX rihun 100 iha tempu badak.

 

Asistente Editor: Saturnina da Costa

 

Read 467 times Last modified on Kuarta, 19 Maiu 2021 12:10
Rate this item
(0 votes)