Uma-Kain 784 Iha Suku Akadiruhun Hetan Ona Apoiu Umanitária Featured

By Camilio de Sousa Abril 30, 2021 334
Familia uma kain simu hela apoiu umanitaria iha Suku Akadirihun Dili. Foto Camilio de Sousa/Independente Familia uma kain simu hela apoiu umanitaria iha Suku Akadirihun Dili. Foto Camilio de Sousa/Independente

DILI:Familia uma-kain 784 ne’ebé sai mós vitima inundasaun, iha Suku Akadiruhun hetan ona apoiu umanitária.

Sekretária Suku Akadiruhun Lurdes Pereira Magno hatete, agradese ba Governu Nova Zelandia iha Timor-Leste hamutuk ho Sekretária Estadu Protesaun Sivil (SEPS) no World Vision ne’ebé fó ona asistensia umanitária ba populasaun vitima sira.

“Ami nia familia uma-kain hamutuk 784 mak simu ona apoiu umanitária ne’e,”dehan nia iha Bidau-Akaderihun ba Jornalista Online Independente iha Kinta (29/04).

Apoiu umanitária ba populasaun hirak ne’e mak hanesan, fós, mina, bee aqua no balde. Entretantu kada ema na’in ida sei simu fós 25kg saka 1, mina litru 2, bee aqua naton kaixa 1 no balde 1.

Tuir dadus Ministériu Administrasaun Estatal (MAE) hatudu, familia vitima inundasaun iha teritóriu Timor-Leste hamutuk 31,337, ema ne’ebé mate 41 no uma estragus hamutuk 21.178.

Nune’e ema na’in 4.356 mak agora dadauk sei hela iha fatin evakuasaun 7 ne’ebé ativu hela.

 

Jornalista: Camilio de Sousa

Editor: Jose Sarito Amaral

 

Rate this item
(0 votes)

Independente Digital TV