Tribunál Rekursu Rejeita Petisaun Advogadu Xanana Featured

By Maiu 12, 2020 3852
Tribunal Rekursu Tribunal Rekursu

DILI:Tribunál Rekursu (TR) indefere (rejeita) petisaun advogadu Presidente partidu CNRT Xanana Gusmão ho deputadu sira, ne’ebé husu fiskalizasaun abstrata Konstitusionalidade ba desizaun Presidente Repúblika Fransisco Guterres Lú Olo nian.

Petisaun rejeitadu ne’e asina husi deputadu na’in-18 hamutuk ho Advogadu Manuél Tilman no Miguel Faria. Karta petisaun hatoo ba Tribunál Rekursu iha loron 5 fulan-Maiu 2020.

Iha karta petisaun ne’e hatoo tanba konsidera Prezidente Repúblika Francisco Guterres Lú Olo foti liga ho situasaun polítika iha rai laran hamosu violasaun klara i grave ba obrigasaun konstitusional tuir artigu 79 (2).

Ho konteúdu petisaun ne’e, segunda horsehik (11/5) Tribunál rejeita ho rajaun petisaun tenki liu husi Parlamentu Nasionál hodi hetan apresiasaun husi deputadu 2/3.

Liu husi karta ofisial husi Tribunál Rekursu, ne’ebé portal LUSA fó sai katak Juis ne’ebé kaer prosesu ne’e no halo desizaun maka Deolindo dos Santos, Maria Natérsia Gusmão no Jacinta Correia da Costa.

Rate this item
(0 votes)
Last modified on Kuarta, 13 Maiu 2020 07:34

Independente Digital TV