Memorandu ne’e atu apoia komérsiu transfronteirisu no kooperasaun entre nasaun rua ne’e, ne’ebé permite hodi promove, dezenvolve no reforsa komérsiu, investimentu, turizmu no interkámbiu kulturál entre nasaun rua ne’e, liu husi estabelesimentu sistema transporte integradu ida no efisiente, ne'ebé sei aptu hodi insentiva kreximentu no dezenvolvimentu ekonómiku iha Timor-Leste, maski hanesan ho benefísiu ba Indonézia.

"Proposta ne'e sei asina iha Jakarta bainhira ita-nia Ministru Transporte ba," dehan Ministru Prezidensia Konsellu Ministru (MPKM), Fidelis Magalhães, iha Palasiu Governu, horisehik.

Nia dehan, hanesan públiku hatene nasaun rua iha Illa ida, maibe nasaun rua Indonesia no Timor Leste illa mak iha Timor, maibe objetivu ne'e atu fasilita konektividade entre rai rua ne'e, espera futuru Loke dalan transporte públika bele ba-mai.

Área Meteorolojia no Informátika

Entretantu, Ministru Transporte no Komunikasaun simu autorizasaun husi Konsellu Ministrus hodi asina memorandu entendimentu entre ninia ministériu no Ajénsia Meteorolojia, Klimatolojia no Jeofízika Repúblika Indonézia kona-ba kooperasaun iha domíniu meteorolojia, klimatolojia no jeofízika.

Parseria ne’e prevee iha memorandu ne’e, atu apoiu dezenvolvimentu  meteorolojia, klimatolojia no jeofízika, setór importante ba Timor-Leste, liuliu iha área sira hanesan kalibrasaun ekipamentu meteorolojia no sismolójiku no kapasitasaun rekursu umanu sira.

Aleinde ne'e, Konsellu Ministru autoriza Ministru Transporte no Komunikasaun, hodi asina memorandu entendimentu ida ho Ministériu Komunikasaun no Informátika Repúblika Indonézia, ba kooperasaun iha domíniu komunikasaun no informátika.

Ida ne'e haluan no hadia setór komunikasaun no informátika implika kolaborasaun ho nasaun sira seluk hodi nune’e, ho forma ida ne’ebé proativa no asertiva, sira rua bele aumenta ninia efikásia atuasaun interna no esterna no iha sentidu ida-ne’e presiza atu estabelese baze koordenasaun no kooperasaun bilaterál iha kampu komunikasaun no informátika.