TL Rezista Tan Kazu Mate Ho Covid-19 Mane Ida

Abril 25, 2024

Nasional

TL Rezista Tan Kazu Mate Ho Covid-19 Mane Ida ^Featured

By Saturnina da Costa Maiu 29, 2021 256

Ekipa ne'ebe preparadu atu hakaoi ema mate ho Covid-19. Foto: Saturnina/Independente.

DILI: Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Rui Maria de Araujo informa, Timor-Leste rezista tan kazu mate tan Covid-19 mane na’in ida.

“Matebian hanesan sidadaun Timor-Oan ho idade tinan 38, hela iha Aldeia 4 de Setembru, Suku Comoro, Postu Administrativu Dom Aleixo.

“Sidadaun ne’e hetan sintomas hanesan isin manas ho iss-bo’ot hafoin ba halo tratamentu iha iha Sentru Saúde Comoro iha oras tuku 11:00. Matebian iha mós istória Diabetes,”dehan nia iha komunikadu sabado ohin (29/05).

Hafoin halo teste Rapid swab antigen iha Sentru Saúde Comoro hatudu rezultadu positivu.

Ekipa saúde iha Sentru Saúde Comoro konvense atu haruka ba halo tratamentu iha fatin izolamentu Vera Cruz, maibé matebian ho familia rekuza no obriga-an fila ba uma.

Ho nune’e iha (28/05) kalan Xefi Sentru Saúde Comoro simu

informasaun husi membru família ida katak matebian iis-kotu maizou menus iha oras tuku 5 lorokraik.

Enkuantu familia matebian la aseita atu halo funeral tuir protokolu Covid-19.

Entretantu, tuir dadus ema ne’ebé mate ho Covid-19 hamutuk na’in 16 kompostu husi mane na’in 11 no feto na’in 5.

Rate this item

(0 votes)